校園散打

Reg Day為什麼不可以宣傳

文｜同學Z

新生註冊日一方面是讓新生註冊入學，另一方面它也是不宣傳大ｏ細ｏ的日子。而今年Reg day前OSA 出了一封電郵，指除了迎新營籌委外，其他人等不得進行宣傳活動，否則會交由代表會處理，並有可能剝奪其參與藝墟的資格。小記當天留意到有幾個同學在MMW新亞出口那邊的出口拉著新生跟他們聊天，後來得知他們是校內的宗教團體成員在認識新同學。

幾天後卻收到代表會發給各位同學的通告，指責當天「遺反宣傳限制」的團體。原來當日MMW是OSA交由新生輔導營聯會的成員管理，他們在MMW近電梯那邊招攬新生們入o camp，中間的課室則留給各學系，那些所謂「遺反宣傳限制」的團體不過是佔據一個小小的位置，宣傳自己組織和傳傳福音，在完全沒有阻礙到別人的情況下，輔聯仍然要將這些團體趕盡殺絕，甚至出動代表會發出嚴厲通知。問題是，輔聯不過是一個籌備o camp的臨時組織，為什麼他們可以有這麼大的權力去管轄Reg day當日整個MMW的使用情況？

法律系同學捱夜Reg科　

怨氣攻破moodle

文｜同學A

話說有日係facebook見到班法律系同學怒氣沖沖， 一人一句粗口係到鬧個選科系統，後來仲有傳法律系同學攻破moodle，明明個班淨係得15個quota竟然有16個同學Reg到入去！

問返啲同學先知原來佢地要一早Reg tuto，仲要冇time slot，唔係話一人半個鐘準時上去Reg，而係先到先得，由凌晨十二點開始。於是班同學仔第二日要返工要做嘢但就半夜三更伏係電腦面前搶科， 等moodle開閘就嘩一聲衝去Reg。聽講有啲同學要搞成幾個鐘先Reg完，Reg完都差唔多天光，唔使訓啦咁。佢地仲有曬plan A plan B plan C…plan Z， 做足準備，以防一個唔小心Reg唔到其中一個心儀時間都有得臨時變陣。雖然依家已經好過以前好多， 唔洗山長水遠返黎學校先有得Reg，但係依家呢個十二點搶閘Reg tuto都係一樣搞到同學係要通宵捱眼訓，點解Law school唔諗下同其他Reg科方法一樣， 分下time slot咁呢？