情色│Chrissie信箱

Chrissie：
我最近同一個人曖曖昧昧咁，搞左一排就走唔甩，發現自己鐘意左佢。點知同朋友言談間先知原來佢一早有個固定女友，仲係出面同唔同?人暖昧添。依家動?真情好矛盾，唔知點算好，我有叫朋友幫手問個佢知唔知我鐘意佢，佢話知，但知都只會同現任一齊，我表面冇野，但內心其實好痛苦，Chrissie你話點好喇？

C

C:

唉，Chrissie自己早排都有類似情況，叫人點答姐。

Chrissie要先問妳地曖昧成點先，係晚晚傾電話果d曖昧定係上床個d先？我當妳曖昧係上床個d啦，咁妳同佢上床岩唔岩feel呀？妳知啦，有時候鍾意一個人但同佢上床未必岩feel，啱feel個個又唔係同妳拍拖個個，Chrissie都想八卦下妳地實情係點。

其實問題好簡單：1)咩都唔好諗，斬纜；2)同佢當面講清楚，睇佢揀妳定揀現任；3)維持現狀；4)試下佢現任肯唔肯同妳倆個發展多元關係。1同2相對易解決我就唔講啦，同妳分析下3、4啦。

如果維持現狀對妳黎講係可以接受，妳甚至覺得鐘意一個人，可以淨係同佢上床而冇情人嘅名份，妳感覺良好，而佢嘅現任係唔知情既情況下未必會受到所謂傷害，妳可以考慮一下。不過要記住，既然唔係情人就唔好對對方有太多要求，認清楚大家都只係玩玩下，最重要係可以抽離到。

但如果真係愛到咁要生要死，而對方又不願和女友分手，咁不如試下提出三人行，即是plan 4。但三人行最大嘅問題是要說服到佢嘅現任，妳?要有信任嘅基礎，三個人之間要認真咁討論彼此嘅相處方式，至少唔好俾現任感覺到被分薄左愛護，我知道好難，但係傾清楚，而大家又可以接，話唔定係一個好好嘅經驗。

回歸到一點就係，喜歡一個人都未必要佔有佢?全部係咪？自己接受到就可以。未試過擔心唔得？學Chrissie女朋友話，everything once呀！

都係個句啦， 睇妳同佢發展一段咩嘅關係。呀，C妳冇話俾Chrissie聽妳同妳對象嘅性別，咁Chrissie就好自然咁當妳地兩個都係女仔，話時話，佢咁鍾意同人曖昧，下次有機會不如約埋妳同妳鐘意個個佢，再加埋佢曖昧開個d一齊開p呀，記得叫埋Chrissie，電話係26036404，等妳電話！

Chrissie