搵樹遮醜 高層懶見學生訴求:乜都管 唔透明 無網頁 師生火滾促AAPC改革 神化組織 乜都管 唔透明 無網頁 師生火滾促AAPC改革 整理:咩 部份輯自中大學生報AAPC號外 今年六四中大爆發了「民女事件」,中大的「行政與計劃委員會」(AAPC)以「政治中立」為由,拒絕新民主女神像於六四集會後運入中大擺放。數千名中大師生與市民,當晚護送女神像入中大,並在火車站外的草地集會至凌晨。 改革!改革! 六月六日《城市論壇》移師中大舉行,《中大學生報》特別印發了第二份號外,矛頭指向問題的核心——AAPC黑箱作業,並要求高層徹底改革。中大同學並於行政樓示威,又在門外圍版油上「改革AAPC」字眼。 不過幾日之後,中大校方搬來十幾棵植物遮住D字,實行綠化以遮醜、唔想見到同學訴求。「行政與計劃委員會」(AAPC)一致決定不能接受學生會申請擺放,一時之間,群情洶湧,究竟AAPC係咩東東?喺「民女像入中大」呢件事上,又發揮咗咩作用? 事無大小都管的行政機構 實際上,校長係「行政與計劃委員會」的阿頭,大學校董會對下就係佢啦,而向大學校董會報告,又一定要經佢喎,係中大最高權力核心,成個中大嘅嘢就通通都係呢個委員會睇。 劉遵義馬房 一個如此重要的部門,校長自然希望可以全權控制啦!上一任校長劉遵義任內,先後委任了四位副校長,總共六位,令副校長人數垂直上升。新書院院長亦是大學高層委任。學院院長則在零六年在一片反對聲下由教員互選變成委任制。剩下的,例如秘書長、教務長等,更屬人事聘任。簡單來說,中大內的最高權力核心不過是劉遵義馬房。 最神祕的組織 連網頁都無 雖然AAPC影響住中大的大大小小事務,之但係佢一直都好神秘。不但無網站,亦都睇唔到佢嘅會議紀錄。佢幾時開會、點樣開會、傾咗啲咩,對唔住,無可奉告咁濟。好似今次「民女像」單嘢,又話不記名投票一致決定,又話因政治中立不能接受申請,又話會繼續同學生會溝通,好話說盡。實質上,化咗成個妝, 想遮住啲咩呀?遮住咗透明度囉。 欠缺透明度的中大 政治固然不能黑箱作業,但行政又何嘗唔可以唔公開透明,否則咪出咗呢啲唔需要解釋嘅所謂「行政決定」。即使民主女神落戶中大,件事都未完!正所謂一日無民主,一日未勝利,校園民主不單是劉遵義落台就能解決,希望同學可以一齊關心校政機制,監察校方施政,珍惜和保留中大珍貴的師生共治傳統。 分享至: Leave a Reply Cancel ReplyYour email address will not be published.CommentName* Email* Website 在瀏覽器中儲存顯示名稱、電子郵件地址及個人網站網址,以供下次發佈留言時使用。 八 × 六 = Δ