校園散打:CUSIS啟用Kill同學 校園, 10年9月號, 40屆莊「斟」(10-11) 文:林檎 為咗應付將來新學制,校方今年推出左新嘅網上系統CUSIS,但八月開始咗選科之後,就收到好多同學埋怨呢個新系統難用又複雜。一登入就見到有十幾個連結,但啲名又好混淆,例如想睇下今年開咗咩科,應該揀My-Planner、My-Academics、Course-Enrollment定Class-Search呢?入到Class-Search,又發現佢顯示晒所有科目,要知道今個學期有冇開,要逐科入去睇,超級麻煩。以前方便同學計劃下時間表嘅Timetable-Planner仲取消埋添! 雖然校方已經回應左,會盡快推出中文界面同埋改良個系統,但等得佢完善個系統,我地都選晒科啦!於是有同學自發晌Facebook寫左一篇教學文,幾日內share左好多次,仲有埋timetable-planner嘅網上程式CUTS,方便同學安排時間表。唉,校方今次用左幾百萬搵軟件公司設計嘅CUSIS,出到黎反而仲麻煩左好多。 不過校方都幾貼心嘅,知道同學放咗咁耐假,唔多願意番學,就晌CUSIS整左架Shopping-Cart,等你知道選科同購物一樣,佢賣你買。一邊選科一邊體驗下購物快感,比四萬幾蚊就任你reg科,好抵呀! 分享至: Leave a Reply Cancel ReplyYour email address will not be published.CommentName* Email* Website 在瀏覽器中儲存顯示名稱、電子郵件地址及個人網站網址,以供下次發佈留言時使用。 + 3 = 十一 Δ