中大體育活動

文：鄺頌婷

在中大，無論你讀什麼學系，都一定要上體育課。但很多時為了遷就時間表或為了高GRADE，不少人選擇的都不是最有興趣的體育項目。要做運動其實不一定只靠體育課，參與運動學會之餘，也可以平日於天地堂之間，又或者黃昏時去做做運動。不少設施只要WALK-IN已可以免費使用，即使要收費的場地，收費都不是特別高，趁畢業之前加以善用啦！

1. 學會
體育學會與校隊院隊不同，他們雖然也有定期練習，有教練指導，但由於他們是興趣學會，即使是新手也可以參與，無需擔心自己程度不夠。如壘球學會，更會於上學期特別開辦幾節基本訓練予新手呢！參與體育學會的好處之一，是學會預先已訂好場地和所需用品，會員只需定期出席訓練即可。

2. 水運會、陸運會
除了體育學會外，中大的體育部每年都會舉辦各種比賽，包括四院各自有陸運會、水運會，亦有中大的陸、水運會。同時亦有以書院為單位的四院球類比賽，分別在上下學期舉行。中大水運會更設有浮板賽，供不懂游泳的同學參加。

3. 特別活動
中大不同部門亦會不定期舉辦一些體育活動，例如2007年開始舉辦的「樂步行」，就是健康促進及防護委員會為了推廣步行文化而舉行。去年中大更與紅十字會合辦了大型心肺復甦法訓練，雖然不知道這和體育有什麼關係，但都有不少同學參加。即使沒有參與訓練，只是在當日做helper，都可以加體育分呢！
4. 體育設施
參與定期訓練固然是做運動的途徑之一，但閒時約三五知己去打波也未嘗不可。認識中大的運動設施就很重要啦。
（剛過去的暑假很多體育設施仲免費添！）

i. 室內體育館 收費：平日免費。星期日及公眾假期按運動收費。羽毛球場$14/小時；籃球半場$27/小時，全場$54/小時。
大學體育中心（U-Gym）、新亞書院、聯合書院以及逸夫書院皆有體育館。

ii. 健身室 收費：免費。
新亞書院、聯合及逸夫書院均設有健身室，設備齊全，並裝有落地大鏡。大學體育中心的健身室相對偏僻，唔算多人去，不過其實設備最齊全，唔做GYM都可以去參觀下。做GYM需要有GYM CARD，體育課的老師會幫你申請，於上堂時派發。

iii. 壁球室
收費：$14/45分鐘（星期日及公眾假期停止開放）
郭氏壁球中心（汾陽體育館，於UGym旁）。共設有六個壁球室，其中一個更備有看台。逸夫亦設有壁球場。

iv. 康樂室
除了一般的體育設施外，其實大學體育中心及各書院均有康樂室，可以用來打乒乓球或跳舞。
v. 室外運動場　
收費：平日免費。星期日及公眾假期，小型足球場$55/小時。
夏鼎基運動場、嶺南運動場都有好多人做唔同種類的活動。有射箭、Rugby、跑步、踢足球、野餐……不過要小心，因為SPE 的同學仔都會係果度練標槍。

vi. 網球場　 收費：平日免費。星期日及公眾假期$14/小時。
中大共有十四個網球場。分佈於本部、崇基及聯合書院。如果得自己一條友，又想打下網球，可以試下U-Gym外最埋邊的5號場，有塊網球壁，個人訓練用一流。如果願意行多幾步既，可以book 6號場，但要出左U-Gym貼左行，繞夏頂基外圍行落去。佢既網球壁係有少少傾斜，令到網球回彈得輕鬆d。

vii. 游泳池　 收費：每次$5.5。可買套票，$55有12張票。
位於本部，池畔軒（即Snack Bar）旁。人又少，收費又平。大家真係要用多啲啦！據稱好多校友都鍾意返中大游水，不過校方規定校友一係就申請恆生校友信用咭，一係就比$220年費，考起了不少校友。大家有得游就快啲游啦！

viii. 室外籃球場　 收費：免費。
為於崇基嶺南場旁。可以WALK-IN入去打波。

大學體育學會

射藝會　　　　　　　　精武武術學會
單車會　　　　　　　　柔道部
空手道部　　　　　　　超級足球聯賽會
欖球會　　　　　　　　划艇會
風帆學會　　　　　　　攀石學會
壘球會 　　　　　　　跆拳道會
飛盤學會　　　　　　　新亞國術會
籃球學會　　　　　　　拳擊學會
釣魚學會　　　　　　　足球學會
遠足學會　　　　　　　游泳學會
崇基武術會　　　　　　崇基單車會
自由體術學會