投稿:從天星碼頭回望傻雞學院 07年1月號 從天星碼頭回望傻雞學院 作者:咪咪姐 身為傻雞人,睇見個校園搞成咁既貓樣,真係要流足一公升馬尿! 想當年做女個陣,同D friend 搞大 O,天昏地暗,最正就係黃昏個陣,坐係中箭堂出面high tea ,hea一陣。個陣未圓湖未改建,靠火車軌個邊有一大堆矮樹,聚集大群白鷺,堪稱白鷺天堂,景色怡人,可惜呢,過幾年再返黎,乜都唔同曬,變成一個路路通既公園,well,user friendly,個天堂咁正,都要豪比你! 但原來官僚有錢就身痕,唔 fing 唔安樂,於是好似何宿個D 咁既酒店雲石大堂式設計,陸續登場,連古色古香既弁奶都要整容,最慘都係小橋流水,變成明渠不特止,沿路D樹斬得七七八八,無曬個種清幽氣息,總之就得番條行人路啦,算點?傻雞學院班大粒個腦究竟裝乜?佢地知唔知乜叫集體回憶?知唔知乜叫品味呢? 阿流津易要將間學店搞做 Hong Kong Ideal U (陶傑語),一於要蝦佛化,椰佬化,大興土木,遇山阻必將山消滅,遇樹阻必將樹剷除,起完斷背橋,又整座七彩地標,一陣間又要暖水泳池,總之人有我有,人有我優,well,我豪比你,咁你傻雞搞咁多野為乜?邊個經手?經過明查暗訪,先知傻雞出左個破壞王—拱橋易,唔知佢係乜野心理,總之發展就係硬道理,所以呢,呢家個校園鬼五馬六,呢頭文質前面突然起個偽圓形廣場,個頭又唔知豎起D校徵標誌,唔浮誇唔收貨,聽講嶺南場仲要鋪人造草皮,辮子路又有大工程,總之,就永無寧日,D景觀越黎越庸俗,你話,叫人點頂? 所以,我係度呼籲,愛惜呢隻傻雞既人,唔該向院方反映下,特別係校董一匹良駒先生,唔好掛住諗計仔同流津易爭地至得假,比你爭多幾個網球場番黎,咁又點?你估大便叫做好叫做正咩,唔好玩喇,唔該! 分享至: Leave a Reply Cancel ReplyYour email address will not be published.CommentName* Email* Website 在瀏覽器中儲存顯示名稱、電子郵件地址及個人網站網址,以供下次發佈留言時使用。 八 × 7 = Δ