孫逸仙像落戶逸夫

文：以逸待勞

中大終成雕像展覽花園。新民主女神像月前搶閘登陸火車站前空地。冇耐之前，中大前校長、諾貝爾物理學獎得主光纖之父高錕嘅雕像又喺何善衡工程學大樓五樓平台展出。年頭已運抵中大校園的孫逸仙像呢？卻被先收埋一邊，直至上月逸夫書院週會上，書院學生會工作匯報時才告訴大家，孫逸仙像會置放晌逸夫書院籃球場附近草地上面，十一月初會有豎立儀式。嚟緊Photo Day可以有多個朋友影下相了。

孫逸仙孫女孫穗芳送出數個孫逸仙像俾多間大專院校，送俾中大嗰個放左係儲物室幾個月，唔知係咪撞正新民主女神像有爭議，搞到八月尾先話十一月會擺返出嚟，嗰時未決定放晌邊。最近，孫逸仙像就已經set好咗，放到冇雷公咁遠（文瀾堂最底層出返去，露天籃球場邊邊條小徑竄入去）。之前拖咁耐，而家突然快手到冇人知，照計校長呀，PR呀會大肆宣揚個喎！心虛？

By the way，林健忠博士及何厚煌博士會捐一千萬俾逸夫書院，藉紀念辛亥革命百周年，支持書院發展，於是第二學生宿舍高座會喺出年一月改名做逸仙樓。