組乜要聚

文：圍威喂

前言：識得好多朋友都有去組聚，但個個都有不同的感受。最近同幾位朋友傾開MSN，問下佢地點睇組聚，順便諗下組聚係咪咁值得去。

我 說：
˙ 平時組聚會去邊或者做咩？
Ｋ 說：
˙ 十次有八九次都去CAFÉ，但真係去到悶哂。
Ｈ 說：
˙ 通常會留喺中大 CANTEEN，有時都會出去打邊爐。
Ｖ 說：
˙ 我哋 ASSEMBLY 之後通常會去中菜廳飲茶。
˙ 有陣時夜晚會約喺宿舍，但我好少去。
Ｌ 說：
˙ 我冇去過組聚喎。印象中組聚都係有人提議去邊就去邊咁囉。
Ｈ 說：
˙ 呀 ，有時大 O MATE 會約行山或出去玩。
˙ 但我幾乎都冇時間參加。
Ｋ 說：
˙ 唉，我都係咁，通常呢啲活動都發生唔到。
Ｈ 說：
˙ 喺街食飯通常傾唔到計，因為好多人等位，就算食埋糖水都傾唔到幾句。但喺番中大可以去宿舍或坐喺空地到傾成晚都得。
Ｋ 說：
˙ 同熟嘅 Friend 會比較多野玩，或者唔駛玩都可以齋傾計
˙ 但同唔熟嗰啲去CAFÉ係最安全嘅做法，冇野講都可以玩下層層疊咁。

我 說 :
˙ 點解去／唔去組聚？
Ｋ 說：
˙ 唔去要解釋原因，好煩架。同埋冇見一排，我都想見返啲組員。
Ｈ 說：
˙ 同埋未熟到可以拒絕。咁耐冇見，都冇藉口話唔去，唯有期待見番比較熟的朋友，本身都鍾意同佢地一齊玩，而且遊戲要一班人　 先會玩到。人地咁耐先約一次，就算幾唔熟點都要出席下，話哂都係組嘅一分子。
Ｖ 說：
˙ 聽落你地組聚都幾齊人喎。我次次去親都得幾丁友，好多人都話好忙唔得閒，我都唔係時間多得滯架，去左幾次都冇 MOOD再去。
˙ 特別係大Ｏ組MATE，夜麻麻仲要係間宿搞組聚，我冇宿點可能陪佢地玩到三更半夜，唔通要屈蛇咩，但唔去的話下一次組聚他們又傾番上次做過咩，我完全進入唔到討論，勁冇癮。
˙ 一係少人，一係就貪方便，所以都冇KEEP住參加組聚，真係同邊個熟的就私底下約算。
Ｌ 說：
˙ 我就因為細Ｏ個時只玩無聊的集體活動，玩完都不會熟得去邊，對小組的印象好差。組聚離不開玩無聊野同講無謂野，關係唔會焗得熟。
˙ 明明每天上課都會見面，特登約出來感覺很突兀，不想玩又被迫玩覺得尷尬又不舒服，索性不去。
Ｋ 說：
˙ 之但係我地唔特登約出黎通常見唔到面，尤其大家讀唔同科，不會一齊上堂，真係要組聚先見到喎。
˙ 但成日去CAFÉ，玩頹的遊戲都幾尷尬。唔想組聚一直係咁嘅形式。
Ｈ 說：
˙ 係呀，同埋我勁驚互相講近況的環節。一時之間自己都諗唔到最近發生咩事，唔想DEAD AIR，所以諗唔到話題就唔想去。
˙ 我成日覺得喺FACEBOOK睇相都知對方最近做過啲咩，問近況STATUS都幾無謂。

我 說 :
˙ 講下你地最難忘的一次經歷。
Ｋ 說：
˙ err……我次次都差不多喎，印象好模糊，真係分唔到　 　 邊次打邊次。
Ｈ 說：
˙ 我記得有一晚，一班人踩完單車出去食糖水，返番中大，去左某人間房。大家訓著講，得閒講幾句。平時都係傾無聊野，但個次傾傾下唔知點解會傾到關於世界，價值觀，宗教之類話題，但氣氛仍然好舒服，傾到朝早一齊食早餐。好難得有一次組聚可以傾到咁深入，都算係最難忘的一次既。
Ｖ 說：
˙記得有次組聚本來約埋一齊打邊爐，嗰時好多組爸都　GRAD哂做緊野，好難得全部組爸都黎齊哂。咁岩個晚又有波睇。雖然唔知有咩咁難忘，但起碼大家都好投入，講波又得，講自己野又得，入波仲會一齊HIGH。
˙平時組聚我覺得大家都就住就住，講黎講去又係問讀書點，上莊點，拍拖未，又成日DEADAIR，無聊夾冇癮。

我 說 :
˙ 咁你地理想的組聚應該係點架？如果俾你搞，會點搞一個組聚呢？
Ｋ 說：
˙ 我就話人數不應該太多，六七個就夠，主要約熟人。然後玩d未玩過的遊戲／活動，例如浮潛，應該會幾刺激。
Ｈ 說：
˙ 係呀！熟嘅就點都得，我想約佢地去自己屋企玩，咁大家唔駛做同一樣野，啱傾就傾幾句，好ＦＲＥＥ架。通常唔熟先竹至去CAFÉ，唔傾都可以玩下，食下野。不過食飯要圓枱，坐西餐枱同其他人距離好遠會好辛苦。
Ｖ 說：
˙ 你連張枱都咁講究既。冇呀，平時大家都各有各忙，真係好難約，都係只能食餐晚飯咋。
˙ 計我話放假可以試下出外活動，打波，行山或者去沙灘玩都得，好過大家坐係度冇野做，HEA到夠鐘走人就算。
Ｌ 說：
˙ 我都幾BUY戶外，郊外市區都冇所謂，就算行街都可以，但一定唔可以屈喺個空間。