望清楚？
文：女朋友

記得第一次咸片係因為睇完《感官世界》，成套戲有好多直接影住陽具嘅鏡頭，佢專登拍到好唔唯美，我覺得勃起左嘅陽具好似好嬲咁，現晒青筋，勁核突囉。於是睇完套戲就問男朋友，問佢睇咸片見到性器官係咪會好興奮，佢話佢鍾意睇有格仔多啲喎。我於是就上網搵左啲睇下，有冇格仔都好，都只係不斷影住抽插。

原來我自己都係鍾意有格仔多啲，可能因為我本身唔鍾意近距離望住勃起左嘅陽具啦。雖然做嘅時候都會望到，但唔會close-up嘛，而且做緊嘅時候根本就唔會專注條野係咩樣，反而身體其他部份嘅感覺係大過一切。

但諗真啲，唔係睇戲都未試過認真咁睇下自己或者人地嘅性器官，好似唔多妥，話晒都係自己同對方身體一部份，研究下先知點樣可能令自己，或者對方有多啲快感嘛。

但諗真啲，唔係睇戲都未試過認真咁睇下自己或者人地嘅性器官，好似唔多妥，話晒都係自己同對方身體一部份，研究下先知點樣可能令自己，或者對方有多啲快感嘛。

變
文：成吉痴漢

川島和津實係我最鐘意的女優。好明顯，我唔係呢一代。Ｄ人話佢天使臉孔魔鬼身型，又話佢喊起上黎好鬼可憐。我都唔知話唔話佢地啱好，至少我就無乜感覺。計我話，乜都係假的，我只係身體話俾我知我有感覺，咪得囉！

睇咸片唔同拜偶像，偶像唔係棵菜。話知和津實幾好Feel，睇得多，俾偉哥你食都唔掂。

而家睇咸片無乜人追住Ｄ女優黎睇架喇，仲係FTP年代，要逐個人輪住UPLOAD咩。而家Ｄ寡佬，要睇（用）幾多有幾多啦，心癮起上黎就上個forum度十套十套咁BT啦，今晚Download唔晒未聽日囉，今晚要打飛機，未睇尋晚BT果D囉。而家上網放片果D「大大」，有好多連名都唔會譯返做中文架喇，有樣睇未得囉。係信果張執到亞媽都唔認得既封面相架喇，反正開出黎唔對路都係Delete左去再Downlaod啫，好快咋嘛！

其實，睇咸片，就係買菜！好又一餐，唔好又一餐呀嘛。你都唔會諗你打後幾日想食乜啦。都悶架，唔悶你都唔駛打飛機啦！

何況，和津實都埋街食井水好幾年啦。人大咗要求都自然會唔同咗架喇，要搵個合眼緣既，你估咁易咩？

聲東‧激西
文：豉油蝶

講起咸片好多人都即刻諗起日本AV，冇法，日本既AV生產實在優秀。題材同場景多變，人妻援交高中生SM滴蠟溫泉墳場多到死。加上演員係東方亞洲人，好有親切感，所以我都好buy日本AV。佢地通常做到好有故事性，好似係補緊習又或者病卧在床，講幾句先開波。不過睇得多會覺得濫，太多大胸軟軟、翹臀圓圓，最大分別係叫聲，節奏、音域都有微妙既分別，好有現場感。

但係英美片既就唔同，女角既外形睇落紮實D，身體線條鮮明，係鏡頭底下女角好有活力，而且嗌得好HIGH好放，爆晒咪。不過製片就少左D包裝，一黎就咀，超激動，互相撫摸又勁肉緊。上下其手之後就擺弄男角既陽具跟手含，然後開始做。英美片會多D插菊花既過程，3P片更會前後同時插入，係日本片少見既。同埋英美女演員既陰部會將陰毛剃走，男既又會好光滑，加上冇格仔既話，成件事好似假公仔咁。不過久唔久都要換下口味既！

扮
文：密實姑爺

其實我一直都唔明AV有咩咁好睇。一套片講緊可能個幾兩個鐘，劇情又唔知做乜，對白又聽唔明，文化又唔同，好多時對於佢地既行為習慣以至於體位，根本就進入唔到。大佬，睇呢啲野梗係要講投入感架啦！所以睇過一兩套之後就冇再睇，覺得靠想像力好過。

之後發現原來日本有啲網站會搵啲素人去拍啲做愛短片，明買明賣，冇對白冇劇情，感覺就良好好多。成個設計係，個網站有相睇，有啲年齡職業住邊區既基本資料，有時仲有啲會有簡短訪問（雖然我都係睇唔明），仲有相集。揀啱之後download條片就俾錢。基本上可以想像成揀好對象之後就買佢既「表演」睇，整個買賣過程既感覺爭好遠，於是偶然都會睇下。

跳開一步諗，當然其實佢地對住鏡頭同工作人員搞野其實都係扮。不過呢個情況之下既扮，更接近於面對觀眾／顧客既扮，而唔係「做戲」、「入戲」嗰種，真實感好好多。