文:掃毒古

古人用術數測天命,中唔中呢,就一半一半。現今科學昌明,時興用數據去描述現況,推測未來。喺社聯個「香港社會指標」網站就多角度記錄了不少數據,想跟各位巴打斯打share 下,不喜勿like,食過飯先,得閒再補充:

1)香港愈來愈多鴨仔?
96年有240萬香港人參加境外鴨仔團,最新數字07-08年有500萬。真係稍為有D多餘錢的都要出外闖一闖。係天下太平大家有多餘錢去旅行?定係香港已經不適合人類居住,工時超長,壓力爆煲,於是死慳死抵都要出外散散心?

2)公共如廁空間減少
公共空間係唔係少左,我唔知!不過公共如廁空間就一定係少左!以每十萬個香港人黎計算,係86年有21.38個公廁,去到08年就得返12.25個,你話政府點對得住市民個膀胱呀!(同王光亞無關,請唔好作過多聯想)在此奉勸爭取交通燈停多一秒的區議員,應該積極要求多D公廁,起多D,再起多D!唔係過到馬路又去唔到廁所,你話何苦呢?

3)股市.高空擲物.成人自殺的詭異圖象
話明圖象圖象,即係無圖無真相

81年--香港股災,恆生指數結果在該年與翌年共下跌達63%。

跟住仲有97年、03年……唔駛我畫公仔畫出腸嘛。不過真係唔知91年有咩特別。

Anyway,記住如果股市唔掂,出街記得要戴番個頭盔(唔威都戴得架!)

再睇成人自殺數字幅圖,又好似同股市起落無咩關係喎!03年上升可能同沙士有關,81,97大股災自殺數字不跌反升就證明我們香港人抗逆力特強,充滿正能量,最多都係拋下電視機、雪櫃落街。唔會輕生的!

4)耐人尋味
好老套,不過搵唔到第二個更適合的形容詞。因為原來,香港係2000年已經普選左立法會架!在政治參與一欄之下的立法會普選議席百分比,由2000年開始,一直是100%><

所以你地D蟻民做咩成日話遁序漸進,咁煩架啫!都100%啦,唔同你地想立法會一百分之二百普選咩?好貪心啫你地!

5)我睇你唔到,我睇你唔到
以上D指標固然可以講到下個社會D野,但係就真係唔夠個網站的設計咁Inspiring 啦!佢有分7個不同社群,每個都有唔同數量的指標,睇睇下,又幾睇到我地政府有幾重視佢地喎!(婦女17;低收入人士10;兒童15;長者14;青年11;殘障人士6;新來港人士───0)唔知係社聯D人特別無心update 哩一part,定係佢地想係政府度搵相關的數據,搵都搵唔到LU!

分享至:

Leave a Reply

Your email address will not be published.