專欄:姐姐仔手記 專欄, 07年3月號 專欄 姐姐仔手記 阿cat(澳門性工作者) 本文作者由紫藤介紹,紫藤為本地關注性工者權益組織。 澳門性工作者自白 又係我阿cat,對我來說,做呢行有苦有樂,苦的是開工遇到打劫,遇到差人抓人,遇到d衰客唔比錢;樂的是可容易賺到錢,解決經濟困難,同時亦可幫到一些人,如未婚的,老婆有病的,我們都可解決佢地既需要。 我黎左澳門廿几年,和一般澳門人無咩唔同,漸漸地,我融入左呢個社會入面,習慣了當地的文化,風土人情。 其實我讀中學既時候己經喜歡澳門呢個地方,因為覺澳門生活環境比較好啦,人權、新聞各方面較大陸自由同民主。而且社會福利好,透明度高啦,無咁多貪腐,就算有,都有個廉政公署申訴。相較之下,大陸比較專制,而且當官既個個都貪。就算自己有應得既野都會被高官貪去,人們無申訴之處,最利害就係新聞封鎖,當你睇緊香港新聞報導既時候,而新聞係播緊敏感既事情,就突然之間轉左去播廣告,敏感既新聞永遠唔會比你睇到。咩新聞自由無,人們又點會監察呢個社會。社會又點會進步呢!更加唔使指意有透明度。所以我能願在澳門做小姐,冒著遣返既危險,都唔喜歡響大陸。因為唔想自己既後代響呢個咁唔開放,唔民主既社會生活。將來希望拎到澳門居留權,到時可以堂堂正正做野,唔使好似依家咁,又驚兵,又驚賊。 其實,我響澳門是做一樓一的,與鄰居的關係尚算可以,樓上樓下都不會太歧視我,行出行入都有打招呼,當然,我亦好識做,夜晚開工時盡量細聲,唔會嘈到隔離左右,d客上黎時出出入入,我都會睇清楚先比佢入黎,甘不必要的意外就可減低少許,甘樣就唔會令鄰居反感。不過,意外的事紿終會發生,就如我上一篇所講,我比賊人打劫過兩次,又比d衰賊報串,這點我都好無奈,真想d衰賊比警察拉哂去。 最後,我申請緊在澳門定居,做一個「真真正正」的澳門人。希望早日能夠實現自己既生日願望,可以開開心心生活。 分享至: Leave a Reply Cancel ReplyYour email address will not be published.CommentName* Email* Website 在瀏覽器中儲存顯示名稱、電子郵件地址及個人網站網址,以供下次發佈留言時使用。 一 × = 6 Δ