發現身體
文:V

我嘅性知識開頭幾乎全部都係響《YES!》度學番黎嘅,自慰當然都係啦。果時大概係小五倒啦,M都未到,睇Miss Sex果D疑似偽來信,先知道自己嘅身體仲有其他玩法,於是就照住做。冇記錯第一次應該都係試用手指去摸陰蒂,但因為唔知頭唔知路,摸極都冇反應,而且手短身長如我者嘅女仔,應該明白用自己對手去搞下面係相當麻煩嘅事。再加上細個果陣同菲傭姐姐瞓同一間房,好難落手,於是乎沖涼就成為自慰嘅唯一timing,我就根據Miss Sex偽來信的指示,試用花灑。

屋企企缸好窄,腳只能曲著微張,然後調校好花灑的力度,嘗試用水力刺激陰蒂。應該搞左大半粒鐘先有反應,而那第一次的反應簡直……簡直係咩好呢?大概就係發現五感以外的感官吧(第六感?!),陰道第一次係咁收緊,快感直衝上腦。因為發現左新大陸,之後成日都會沖好耐涼,跟住d偽來信試呢試路。第一次M到就係玩左幾次花灑之後,我估點都有D催化作用嘅,但就確實咁否定咩黎左M先有性需要嘅講法囉。

果時雖然個個friend都睇《Yes!》,但大家永冇討論過裡面嘅情色內容,都唔好話交換經驗喇,連自己會自慰都唔敢講。咁多年後嘅今日,諗法當然唔同啦,但都係唔會同朋友分享自慰嘅經驗架播,做愛反而都會講下,可能係仲係覺得有唔好意思,都有可能係人大左反而少左自慰掛。不過我覺得,只要開左個頭,就可以暢順咁講架喇。

PS 以前一直都因為怕麻煩,多數都唔會塞野入去。一黎要搞好耐,二黎要搵合適嘅野黎塞都唔容易,手指太幼太短指甲又拮,又未有膽去買玩具,所以只會搞陰蒂。但呢排係咁煲青瓜湯,先認真留意到佢嘅形態其實真係相當適合用黎自慰的(係咪太out?),大家不妨試下。

分享至:

Leave a Reply

Your email address will not be published.