【校園散打】之二 電視房裡的民主牆?

文：南音

小編近日經過善衡書院果陣，驚見一間裝有落地玻璃嘅電視房入面，有一塊貼咗「民主牆」三隻大字嘅壁板[圖0]，不過其他字就睇唔到啦，而且要善衡學生拍卡先入到。咁珍而重之嘅民主牆，小編緊係十分好奇啦，截稿日將至而院方未覆email嘅情況下，咁唯有搵位善衡同學黎問個究竟啦，拿拿拿，我都肯定唔到真確性咖，當係聽下同學意見咁啦。

同學話，係上屆善衡學生會決定擺係邊咖喎。小編最好奇係，明明間房對出就有面人人經過都見到、又大又平嘅牆[圖1]，點解唔係果度整民主牆呢？同學話，果度係俾校內組織宣傳嘅。不過佢又聽過一個講法係，果度係留俾捐左錢俾書院嘅人留名，無呢個靚位就無人捐錢咖啦。(咁小編又覺得呢個講法好似誇張咗啲。)咁善can出邊都有牆咖[圖2]，又唔用？同學答我，學生會覺得民主牆無理由唔係廿四小時開放。咁又有道理嘅，不過對比電視房同善can門口，邊度適合啲呢？

其實除左上面講果兩個地方，小編眼見仲有唔少啱擺嘅位咖，例如G樓對住斜坡果塊玻璃牆啦、G樓正門隔籬果面牆[圖3]啦……收集聯署、非官方消息發佈、貼大字報反映意見、交流睇法，都係民主牆嘅作用，屈係間房入面，似乎就唔多發揮到啦。

圖0