點止SM咁簡單？

文：松
鳴謝：日天

今趟寫SM，找了十一月號情色小說〈同志桑拿〉[1]作者平日天來做訪問。

愉虐（sadomasochism）

「SM嘅核心精神唔係在於玩具，而係顯示緊喺性關係入面嘅，支配與被支配。」

在SM這性愛關係裡，S和M處於不對等的權力位置，從而在支配與被支配中感到愉悅。有人在精神的羞辱或肉體的痛苦中得到快感，又有人能讓操控慾肆意釋放奔馳。它可以體現在強弱懸殊的階級扮演，例如老師學生、主人奴隸、軍官俘虜（雖說S和M的角色也可掉轉），亦可以用綑綁、鞭打、甚至食屎食尿等物理形式，或純粹以言語或精神來體現。

從中，支配者擁有對性行為的控制力，填補他對性慾望的渴求；被支配者又能在感官痛楚中，享受更高漲的性快感。「追求嘅果樣野係性快感，尤其是玩重口味，例如窒息性愛，姐係做到中途掐住你條頸唔俾你呼吸。」相傳人們在窒息、臨近死亡時，會有難以言喻的快感。

他們決定誰做S誰做M，也會商量好玩甚麼不玩甚麼，同意所協議的身體感官的痛楚，更會設置「安全語」，M臨近忍耐的邊緣時，只要說出安全語，SM就必須終止。SM各方的權力看似極不平等，但內裡講求的其實是溝通和信任，一切都是在雙方或多方的意願下進行。

做愛後，SM的權力關係則不會延續到性愛之外。「佢地唔係真係黎做性愛嘅奴隸。總之就係性果一下大家有性既關係，性完以後可能大家根本冇關係、各自各修行。」

桑拿SM

「有啲房可以玩SM，好多時候都會有啲有趣嘅設施，比如話吊床、吊椅，將個人吊起。上面有啲鏈dum落黎，果個係用黎坐既。一方面有啲行動做唔到啦，但另一方面就可以四肢離地咁俾人插入，諸如此類，做啲稍微違反下地心吸力嘅花式。」

平時做愛，例如玩狗仔式、傳統體位，都會有張床或其他物件給你扶著，才會就到力。但玩吊椅則不同，它有點像鞦韆，做愛時插入者的力傳去吊鏈，換言之被插入者無法假借外物支撐。他坐上吊椅後只能等待被插入，椅子又晃來晃去，根本不能控制自己身體的擺動，無力感頓生。

經常做S的日天則指「因為你係吊起咗架嘛，咁你咪唔駛花咁多力扶住佢，可以花多啲心力去插入，雖然都會郁黎郁去。」對比M椅上的手足無措，S顯然搖身一變，成為操縱權力至上的王。

法律窘迫

日天提及如果訴諸法律，那麼任何SM都不被允許。「如果發生咗啲咩傷人嘅野，佢真係可以話你傷人呀、乜乜侵害呀，你都唔想發生果啲事架嘛。」

「有單CASE呢，有個男人搵個SM女王，跟住個男人死咗，隨即被控誤殺。咁個SM女王係個性工作者，佢唔想個客死架嘛。個官要判啦，佢判得比較重，因為佢要話俾世人聽，SM係為世所不容。
」

SM本身不是罪行，但法律卻忽視了在SM前雙方的溝通協議。雖然他們的協議未必講清楚死後責任誰屬，但畢竟他們皆同意及選擇了這種肉體上的傷害與被傷害。死亡實屬偶然意外，亦非出於故意。惜法庭視SM為痛楚／傷害的代名詞，SM淪為無法饒恕的原罪，簡單的把SM當作權力失衡虐待[2]。

「當然啦，真係死咗人，有啲野抹唔甩。但調番轉頭諗，一個協議咗玩SM嘅誤殺，同一個真心嘅誤殺、一個有心做但改判佢誤殺，都係幾個級數嘅事。佢都唔係真係有心殺，點解要判得咁重呢？」

社會的SM？

「喺社會入面，你見住啲官（雖然佢地喺床上面可能都係M）出到黎，喺度發號司令，其實都冇理過你嘅感受架。果樣野嘅實際支配都的確係虐待緊人。」

回到社會，原來個個都是S和M。我們的日常生活本牽涉很多權力操作，例如情人與情人、同學與同學、校方與學生，弱肉強食，我們希望成為較強的一方，實踐心中的權力慾、控制慾。另一方面，我們亦被支配，比方說晉升評核制度，身在牢籠卻不自知，甚或有人會陶醉在這些制度之中。

但性愛與日常生活畢竟有點不同。例如有人希望在性愛上飾演被強姦的角色，但又不希望在現實生活中被強姦，對SM的慾望不一定發生於日常生活。更重要的是，在社會裡，S藉權勢攀升，壓搾他人，M則被迫受害，這種受害既無快感，亦不正當。性愛SM所體現的權力不平等是經過大家的商量，而社會的則不。

「SM實際對於社會嘅傷害黎講，細好多（其實根本沒甚麼傷害）
，同埋爽好多囉。呢啲只係做愛嘅過程。去到最後大家有高潮唔好咩？雖然唔係社會嘅解放，但係大家既身體都解放吖。」

後記：還記得在中五會考完的某天晚上，我無無聊聊找了個線上聊天室，玩SEX CHAT。初時覺得鳩吹閒聊沒甚麼代價，愈傾愈興起，情到濃時：「我想滴啲蠟落你果度。」當場，我心跳漏了一拍，隨即關了對話框。真變態。現在想回來，原來自己曾是污名化SM的幫兇。後來又在想，若我的身體受到傷害，我可否把這種痛楚認知為性快感？想著想著，有點心癢，其實何妨一試呢。呵呵。

[1]簡言之，同志桑拿是指男同志找性拍檔或做愛的場所。
[2]詳閱〈「同意」，又如何？：由香港SM審判說起〉，《迷糊‧情慾‧法律》
，趙文宗著。