小黑之死

小黑之死

話說小黑係報社已經就快兩年。
其實都講唔上有幾熟。
平日見到，有心情咪打下招呼，冇心情就掂行掂過。
更多時候就算見到都冇留意。

大概半年前已經有人估佢就快死，見佢咁殘。見佢死下死下三個月都未死，就開盤估幾時。
點知死左半年都死唔去。
而家平日見到佢，有興致嘅時候，就問下「你究竟幾時死啊？」、「做乜你死極都死唔去嫁？」咁。

其實佢真係死左，或者冇死，又點？
頂多輸餐飯。

甚至乎話，小黑係隻貓而唔係倉鼠，又點？

就算佢唔係貓而係個人，又點？

喺呢個枯燥嘅時代人地嘅乜乜乜，其實頂多以資佐談。
冇關係而唔關心，而唔了解，其實同情唔知由邊度講起。只可以係用作話比自己知「我係個好人」。

算罷啦。

假如覺得不應麻木，就去了解，而產生關係。
不關心，也不要給一些廉價的同情。
因為這種脫離現實比徹底的麻木更恐怖。