長發街市專題──訪問青衣街坊 阿豪

文：菜鳥

阿豪住長宏，離長發不是特別近，都要5分鐘車程。不過，6年前的他卻是長發街市的常客。其實長宏附近也不是沒有其他街市，論方便有長亨街市（步行5分鐘），論齊全有青衣街市，究竟何解他會花上一程車的時間去長發呢？

「咪因為阿爸囉！細個放假嘅時候，阿爸好鍾意帶我去長發度飲茶，貪嗰邊平啲，然後好自然就順便買埋餸。仲記得嗰時好喜歡食肉，所以成日叫阿爸去凍肉舖買10蚊有三大塊嘅豬扒。買到嗰個阿姨都認得我呢個肥仔，時不時會搣下我塊面，又會送魚肉腸比我食。」

那為何是曾經呢？阿豪直言當時自己也不知何故，只知父親都不再去長發飲茶，改了去荃灣。每當問到原因，都招來父親一句：「長發啲嘢貴咗好多。」父母不再光顧，他也只好跟從。良久以後才知道，原來領匯接手了。說真的，領匯接不接手對阿豪的影響不大。因為當時阿豪一早就過了跟父母買餸的年紀了。雖然時不時會聽父母埋怨去荃灣好煩，樓下街市又貴之類的說話，但最後他們還是要認命的坐二十分鐘巴士去荃灣。

講到今次長發罷市。阿豪都好支持，但他又指出其實不太會影響到居民買餸。即使是長發邨的居民也不常去長發街市，因為附近就有車去荃灣，又可以行到青衣街市，所以只剩一些行動不便的老人家會常常光顧。再者，其他街市款式又多、又平，所以是次罷市的影響實在有限。雖然如此，他又補充今次之後多了居民重新關注件事。

「我同阿媽都係因為長發罷市，所以先講番領匯啲衰嘢。我媽都話如果長發再搞罷市都會支持，希望啲嘢可以因為咁平番啲，唔洗日日放工都去荃灣買餸。見到佢咁踴躍，搞到我都唔好意思話其實冇咁易。」

阿豪相信，建華接手之後，情況多數會更差。「或者依家未做到啲咩，但一定要關注多啲，唔係佢地一定會仲猖狂。」

長發街市專題：

罷市對抗領展 ──長發街市專題前言
訪問長發街市商會主席 李先生
訪問長發街市麵包舖店主 曾生
訪問長發街市豬肉檔店主 文生
]都是私有化惹的禍 ——向領展算一筆糊塗帳