文:蜜桃男孩

 

胡同──昔日天菜英雄地,今夜百姓歡樂鄉

一次又一次嘅翻新同擴建,令人好想知道究竟老闆出面做咩生意,先可以不停喺呢個夕陽行業度燒銀紙。作為同志桑拿界最出名嘅一間,胡同同埋佢嘅前身Double曾經因為揀客制度引嚟大量非議,愛者恨者皆眾。時至今日,桑拿愈來愈難做,以前只有男神先可以享受嘅待遇,各位街坊終於可以一試啦。以前聽講搵個冇腹肌仲難過搵個有嘅,但而家當佢唔再以各種理由「禮貌地」請人離開之後(我見過,我真係見過),胡同客人嘅質素親民好多,搵食都算容易。閒日真係少人,但假日同埋前夕又喺等房開戰等到冇癮。至於講起衛生,職員行過人群照田雞同執房,仲密過商場廁所姐姐洗廁所,你話呢?

 

Jungle──獵客掛弓退江湖,哪知森林鮮肉香

熟悉桑拿界嘅朋友都會知道,兩年幾前發生咗一件大事:Hunter突然結業,改名Jungle。轉手過程只不過短短一個月,又或者係改建用咗唔少錢,Jungle有一段時間仲用緊繡住Hunter字樣嘅大毛巾,搞到每次望到都想攞番條番去緬懷一番。Jungle由Hunter時代開始已經係幼齒嫩肉嘅集中地,鋼條斯文一應俱全,平均年齡一直都保持到廿五歲樓下。閒日假日人流都差唔得太遠。黑房區設計簡單,第一次去嘅朋友都唔驚行錯路走唔出嚟。房燈懷疑係紫外光之類的東西,一照毛巾條條現曬螢光劑出黎。真心希望老闆處理下間中花灑淨係出到滾水同冰水嘅問題。衛生方面,係會有人間唔中執房,但不要期望太高。

分享至: