〔碟評〕少少膠／《藍》

藍奕邦：《藍》
East Asia Music／2008-07-2／粵

{mosimage} 

文：武雀

藍奕邦因為轉唱片公司而兩年無出過碟，過檔一出就出一系列既細碟，今次係《藍》，之後就係《奕》同《邦》，說是集齊三隻就可以理解到佢成個人喎。呢次成隻碟全部都唔係情歌，而當中〈時候尚早〉就係（好難唔係）第一主打。旋律簡單易上口煲熟左，哼兩哼一個唔覺意就哼左去第二首歌度，K歌格局，好似求其作d旋律夾d歌詞咁。呢個情況出現響自稱唔係主流既藍奕邦既歌上面，其實都幾令我震驚。唔通一個歌手知名度有番咁上下之後，就一定要賣K歌不成？

至於另外兩首歌〈學神〉同〈膠〉，主題同〈時〉都差唔多，都係叫大家唔好咁快認老，唔好淨係識得跟住權威、潮流行，要堅持「自己果套」，但melody就自然順耳好多。不過〈膠〉一句「不想變做一塊膠」呢，唔岩音既程度真係?膽，睇埋嚮藍個blog果幾張〈膠〉既MV相，真係膠到爆，但呀藍生仲要好開心話個MV「好鬼The Wall」（Pink Floyd），當堂投晒降——喂你唔係叫人唔好跟呢跟路架咩？