文藝︳【日本新浪潮電影展】零距離的真實／ 《瘋狂的果實》

或，到發夢之路

 《瘋狂的果實》
導演︰中平康，1956
日本新浪潮電影展

文︰F.A

故事是很簡單的。食飽飯冇野做，兩兄弟爭女，冇話唔好意思。

弟弟真誠可愛，令少女感覺清新。哥哥強而有力，造愛就是造愛，不用另找理由。最後哥哥趁弟弟不為意，攔途截?，把少女帶到海中，在風帆上沉醉於彼此的身體。弟弟發現被出賣，找到二人，利用快艇把二人活活撞死。

由頭到尾齣戲都冇 trick 可言，最 key 的元素自然是身體。少女為甚麼喜歡弟弟呢？就係貪佢怕醜，孤男寡女在沙灘中也是錫兩啖就訓。少女為甚麼同哥哥反晒面都可以造愛呢？就係哥哥鍾意同佢造愛，佢地就造愛了。而造愛後，不和就解決了。要留意的是︰不是因為身體上哥哥滿足了少女，所以少女唔再嬲。而是敘事意義上，首先不和，繼而造愛，之後和好。

這種擺脫有始有終的邏輯迷思，並認定身體意象／生命意象緊密相連的視野，導演中平康以幾乎最自然的口吻帶出︰我們根本找不到掙扎的痕跡。換句話說︰我們不能說︰「真勇敢！咁夠膽講到青年的肉慾真相！」大佬，人地好似小個便咁乍，對我地黎講，已經係拜祖先齋戒沐浴咁大鑊啦。

用語體文說︰本作被視為日本新浪潮啟端之一，其中的衝勁激越，今天香港真係連發夢都冇資格。