校園︳【買電腦記】唔係淨係俾錢,唔係淨係用 校園, 08年10月號 ──記一次消費的經過,以在中大買電腦為例 文︰餅 買電腦--咪就係俾錢囉。 為左強迫自己單獨工作,呢個學期決定買電腦了。又因為懶於外出及明查暗訪那種電腦較好,都係收發電郵同處理文字工作,於是邊間公司都好都係中大買了。 決定行動?日前後買左兩次電腦。有個同學急,就借左account俾佢先。 佢已經選定左型號,整個購買的過程好似係snack bar 買飯咁快,唔計佢信用咭出現問題其實只需要十分鐘左右。職員會做的只有幫你影印學生證睇下有冇dublicate、收錢、講埋交收時間方法、 入資料後叫你check下就byebye架啦。至於保養幾多年呀、贈品有咩點揀呀、想問野有冇電話打呀,通通都唔會同你講的。 後來自己買就扮下無知,問下佢地到底點樣決定係中大賣咩機,sales哥哥話係睇同學需要同大學傾的, 跟住以一部個mon可以三百六十度轉的為例話方便present(雖然我唔係好理解),同埋有d機性能較高而笨重d可以當係desktop係宿用之類。我再問:你地d機同其他牌子有咩分別呀?佢就話:其實無咩架。我再問咁點解你地中到標,佢就開始不耐煩話唔知了。 重點係佢地整體都唔係好friendly,唔係好想同你傾計,似係parttime,對整件事無咩認識, 你問佢咩都係答你一兩句。 終於買喇,我問起保養佢先拎單張俾我,叫我自己慢慢睇,有一句無一句答左少少。最後我問,電腦唔要就丟好浪費,hp公司會唔會收電腦架?佢話中大無,再叫人問埋公司都係話無。 「你拎去星際收啦。」 HP 俾我地的文件由宣傳 leaflet 到購買表格幾乎都是英文 base 的,並無理會我地的官方語言係中文,銷售服務如此求其,好似每秒都講緊:俾左錢好走啦唔該。 分享至: Leave a Reply Cancel ReplyYour email address will not be published.CommentName* Email* Website 在瀏覽器中儲存顯示名稱、電子郵件地址及個人網站網址,以供下次發佈留言時使用。 九 + = 十八 Δ