校園︳【校園散打】多功能烽火台之——Mass Dance

文：無吧無吧

每年一次Mass Dance已經成為左差不多最有號召力的單一社團活動，八間大學各派出十幾廿人，主場中大Dance team又多d人，咁已經百幾人，再加上圍觀睇佢地大學同學／中學同學／小學同學的，會令烽火台前爬滿人群。咁我要睇中學同學，當然一企企兩個鐘，年年都係o個兩個DJ做主持，派下贊助商禮物，更主要係幫佢地爭取時間過場換衫。個個一換左衫化濃妝就變左另一個人，台下人就會為佢地尖叫觀呼，女仔d衫又梗係性感，男仔明明係跳舞熱到死又著幾層衫為型，無論你第時係做OL好老師好CEO好甚至保安都好，呢一刻咩都唔理，接受萬人景仰咁話，我地之間最common的笑話就係，i-ed d女仔通常都著得超性感同埋有好多挑逗動作，唔知佢地教書係咪會開放d？會唔會可以做好d性教育呢下？不過最好睇都係poly，重點係佢地成team人一套衫，男仔女仔都係，無話強調性別定型，女仔唔一定要扒係男仔前面，而且好多動作都係要一隊人咁去睇，拋接道具，一齊做d pattern，除左跳舞仲有d似戲劇，牽動到觀眾情緒，賺得最多掌聲。烽火台既然係一個台，做表演無話唔得，不過如果佢地可以多d係烽火台跳舞，邀請多d行來行去的同學一齊係中大最平坦的地方放開自己身體，將呢度變成最自由o既空間，唔駛下下等申請，咁就好了。