文：匯報
 
《學生報》繼續跟進郵車消失事件。話說有十多年歷史每日出入中大既郵車突然消聲匿跡，郵政署解釋話郵車去左服務「再」偏遠d既地區，喎。如果想要番郵政服務呢？唔該中大每個月俾萬二蚊租一個自助服務站啦！
 
嘩！咁即係無端端將免費既野變成收費啫？香港郵政一於少理，總之你唔比錢就唔理你啦。中大商務組同《學生報》、同學開過會，都覺得咁既態度不可接受；商務組就提議，不如香港郵政先送個自助服務站俾我地免費試用番幾個月，睇下啱唔啱用先算啦。筆者問過下學生會幹事會，幹事就話，可以幫香港郵政代售郵票、磅郵件；條件係郵局每個月俾番萬二蚊服務費幹事會喎。
 
都幾好喎，到時請學生助理每小時當值都可以出到成75蚊個鐘架！所謂肥水不流別人田丫嘛，同學們，不如支持香港郵政外判服務予中大學生會啦！

分享至:

Leave a Reply

Your email address will not be published.