好course 獻給你．第二擊

好快又到Year 2的同學選科啦！
睇住想讀的course的vacancy愈來愈少，點算呢?

第二擊再送比你另外九個由同學推介的課堂，睇下仲有無位啦~
無位都可以plan定year 3可以點揀呀嘛！
（p.s.部份課堂本學期不開班）

CSCI 1030──Java 實務入門
PHIL 2040──西方哲學史一
GEUC 2013──書法
STAT 3005──應用非參數統計
CURE 3006──指定題目：公共領域、大眾文化及公民社會
CURE 2022/UGEC 2273──女性主義：思潮及運動
UGEA 2160──中國哲學主流思想
UGED 2611──個人心理健康與健康家庭
UGFH 1000A/E──與人文對話

———————————————————————
哲學？史？想悶死咩？
文：陳昌明

名稱：西方哲學史一
編號：PHIL2040
教師：關子尹博士

如題。

不過，唔想停留係知道philosophy解作「愛智慧」，又要最即食地（不過，點解唔要即食？）一course通曉哲學、學下批判思考咁（不過，點解要批判？），都真係好難唔讀下西方哲學史，知道下果炸叫哲學家?死人做乜諗?。事關哲學本身都有好長傳統，你諗過?咩慌佢?無諗過咩（不過，點解希臘傳統先係哲學？），甚至你可能覺得好平常??，都可以搵到佢地?疑難；而西哲史呢科雖然係以歷史時間去講，但絕對唔要求背誦史料（不過，點解背史料就同批判思考對立？），反而著重理解哲學家講一大堆?，要處理咩?哲學疑難。唔知道呢?發展，貿貿然就覺得而家哲學處理?問題唔關你事，都咪話唔膚淺。（不過，點解我明明無問題都要去搵問題問？）

淨係上面都咁多點解，都可以極籠統咁話施主已經同哲學結?緣。話晒咁多間u，具規模?哲學系都算得中大有，如果想係香港接觸下哲學，都應該趁勢去讀下或者sit下呢個course喇。
———————————————————————
情緒小偷
文：仲

名稱：書法
編號：GEUC 2013
教師：徐沛之

「終於上完堂啦！去食飯囉！」
「唔啦，我仲要上堂，走先拜拜。」
「你仲上咩……堂？」堂字還末出口，我已經轉身走了，留下的是掰開的手，畢竟時間緊迫，由山腰走到山頂要很費時，尤其是尾堂。

這一科有些特別，自九月尾開始上，連續十個星期，沒有期中試，也沒有測驗，功課更是隨便，可做可不做，看你有沒有時間做，而走堂亦不用受罰，沒有平常科目給人的迫切性，十分輕鬆，所以即使是第JQK(11、12、13堂)，也願意去上課。

倉促地跑上四層樓梯，連過兩度玄關，只見這室有長檯幾張，呈一個「Ｕ」形擺放，而在這「Ｕ」的正上方，又放了一張，是老師用的。檯的設計別於平常的，闊一米長半米，平面上滿佈毛粒，像一張冷氈子。驀地，老師似見同學們已選好坐位，便嚷我們出來。環顧四周，只有十一、二個同學，他們將文具放入老師安排的器皿之中，便專心聽著老師的說話。

「明唔明？」這是老師的口頭禪。每次這樣問，同學都有所疑慮地作出反應，不是因為老師說得太深，有甚麼不理解，而是知道要做到像老師般，實在需要時間磨練，可能是一年，可能是十年，可能是一生。

順手從水中取下自己的筆，便回到自己的安處，接著將一卷汎黃的紙舖在檯上。一邊觀察筆記紙上的字跡紋理，同時想像這字該如何寫在紙上。不一刻，便落筆直書。

「羲之頓首喪亂之極……」這次寫的是晉王羲之的喪亂帖，手雖在顫，心卻是清明，此刻只想把字臨好，一切煩事都拋諸腦後。偶然苦惱，找不著半點頭緒，老師見到，總是說「放鬆點」，然後指導。「羲之頓首頓首」，上堂時間就是這樣過。

這堂是情緒小偷，總把煩亂通通帶走。每每下課後，才想起有份功課在這晚DEAD，心情一沉，急步跑下山去。
———————————————————————
有心人
文: 神

名稱：個人心理健康與健康家庭
編號：UGED2611
教師：張美珍博士

好多人都講上到黎大學要搵到一個好O既Prof.係一件好難ｏ既事，慶幸我係搵呢科搵到一個好有心ｏ既Prof. Jane係一個好有教學熱誠o既Prof.，為左可以比更多學生讀呢科，佢特突同Department爭多幾十個位。我本身Waiting List排三十幾都Add到入去。佢唔讚成考試去定斷一個學生o既能力，但係基於學校制度，佢先唯有整兩個Quiz。佢雖然成日講好多人生道理，但作為學生ｏ既我地會自動識過濾邊ｄ聽得入耳邊ｄ唔入耳。佢ｏ既道理係令我聽得入耳。佢又會好好人咁每堂都幫我地印埋Notes。頭半堂Lecture通常都係播相關課題o既片，然後就會教書。成個Course兩個Quiz但係唔難，一個Take Home Exam亦都係唔難做o既。呢個算係少Workload又學到野o既2 Credit Course，最緊要係Jane係又好人又有熱誠o既Prof.
———————————————————————
看自己看企鵝看自己
文：劉子僑

名稱：中國哲學主流思想
編號：UGEA 2160
教師：吳啟超博士

去年一位take了這個課的朋友推薦我去聽這個課，說老師講得不錯，於是跟著去上了幾課，後來也斷斷續續旁聽了八、九堂，不過不久之後這位朋友因為別的事反而沒去上課。

印象最深的是吳啟超老師常常用意想不到的例子說明抽象的思想概念。記得有一次他要解釋甚麼叫「若有若無」的關係，說了幾句我們聽不太懂的東西後，便說要播一段《小企鵝大長征》：

一隻企鵝仔不小心落了單，一直在企鵝群上空盤旋著的老鷹，看準時機，飛撲而下，一擊不成，卻碰倒了小企鵝。老鷹轉回天上，小企鵝趁這段時間站了起來。眼看它就要走回企鵝堆裡，只是這時老鷹亦已轉了一圈，再次順勢而下，就在它的利爪碰著小企鵝的一刻，有些同學似是不忍卒睹，不約而同發出「舌舌」聲（空氣從上下齒間吸入時發出的聲響）。

一隻遠在南極的小企鵝，本來和我們沒甚麼關係。只是當我們在片中看見那一隻小企鵝的時候，它和我們便有了關係，所以我們會為它擔驚受怕，甚至不忍看見它被抓去。不過很可能當我們離開這個課室後，它又變回一隻遠在南極，和我們沒甚麼關係的小企鵝了。

解釋過這概念後，老師最後從這概念引申開去，說明人有這種建立關係的可能，以及這種可能的重要。

一年過去，我連「若有若無」是哪一家的思想也記不起了，只記得小企鵝最後都沒有被老鷹抓去，跌跌撞撞走回企鵝堆中，和其他小企鵝一起抵住老鷹的幾回攻勢。

僅以這course獻給對人和人生還有盼望，還有理想的同學，以及老師。
———————————————————————
好有「人性」?course

文：回音

名稱：女性主義：思潮及運動
編號：CURE 2022/UGEC 2273
教師：陳澤蕾博士

係O camp時，組媽已經話阿Sam教得好——不過係killer，而且唔止一個人咁講。其實都驚俾阿Sam kill，不過又覺得killer即係教學認真、要求高啦，咪即係我可以學到野囉！？本著「只要老師好，爛grade都抵」既心態，加上本身對gender有興趣，就take左呢個course。

阿Sam真係好正！佢教書好認真，據聞以前有同學上堂講電話定傾計定訓覺，俾阿Sam趕左出課室！不過佢依家好溫和架喇，成日苦口婆心咁叫我地「真係要睇readings呀」，幾乎堂堂都聽到。上堂又會問我?問題，其實多數無人答，但佢keep住堂堂問，仲會自責教得唔好所以先無人識答。個課程設計好清晰，一堂講一個女性主義既流派，不過唔知係咪無睇readings既關係，覺得阿Sam講書好鬼凝煉，跳得ok快。雖然有時跟得甩甩地，但我都好鐘意聽阿Sam講書。佢講書好真心、好用心，會將果D平面既知識講到有血有肉、連繫到我地既生活，又成日用自己既經歷黎講笑，好立體架！我鍾意阿Sam同佢既course，就係因為呢份「人性」，唔似其他course咁只有濃厚既學術味，呢個course仲有「人味」。題外話，好多人覺得阿Sam好charm架，所以幾年黎阿Sam都儲左唔少粉絲！

呢個係我major，同時係UGC course，所以ok多人take。個course得一個presentation同exam，要上6次tutorials，readings唔算好多，workload幾少架。如果對gender有興趣，呢個係入門必讀。

———————————————————————
輕鬆學Java
文：Larry Wang

名稱：Java 實務入門
編號：CSCI 1030
教師：羅日昭先生

free elective差一個credit，讀咩好？以前聽組媽話可以讀普通話喎。咦但係我真係好唔鍾意普通話喎，想work load少?仲有咩選擇？不如試下CS開?1 credit programming course啦。

Computer Science department原來開?一堆1個credit?programming course俾non major?同學讀，有C、C++、JAVA、PYTHON等。今次特登介紹JAVA course俾大家。

JAVA係一隻容易上手，而十分有用既programming language。佢既應用層面非常之廣，可以用於寫Web Server（J2EE），可以連接Database（JDBC），連近年大熱既Andriod手機App都可以用JAVA Syntax寫到。有理科底既同學如果想接觸電腦世界，呢科係一個非常好?選擇。

課程內容包括最基本寫Program?技巧，適合未學過programming?同學。學完呢一科可以利用JAVA做簡單既計算（類似EXCEL既計算功能）。

呢一科冇Tutorial，只係有Lab Session，可以畀同學試寫Program，而Tutor亦會提供協助，唔使驚唔明。如果同學對自己有信心，都可以選擇唔上Lab Session，因為Lab Session係唔計Attendance?。

呢科導師授課態度認真，準備工作齊全，又有非常之好?Lecture Notes。同學讀完話唔定會對programming產生興趣，minor埋電腦呢。

———————————————————————
唔係Normal可以點算？
文：G

名稱：應用非參數統計
編號：STAT 3005
教師：潘偉賢教授

由理學院、醫學院去到社科院以至商學院，不少同學都要學統計學作為其中一種研究既方法。

除左個別科目，一般都係學下validity、error等等基本概念，然後就係學下?最簡單既統計數值如mean、standard deviation，同埋一?基本既測試，一般都係t test、ANOVA、chi-square，然後簡介下linear regression就止步。其實上述大部分統計方法都有一個共通既麻煩位，就係要對於?樣本參數特徵有好強既假設，要佢地呈正態分佈，甚至乎要分左組之後分佈形態都要一樣，先至可以成立。

萬一唔成立最簡單當然係彈出一個大數定律，話我地收夠sample就可以當佢接近正態分佈啦。但係呢招唔係時時都work，好多時根本連個population都唔夠大，又或者係搵唔到咁多test subject去做野。呢個時候非參數統計方法就可以幫到你。簡而言之，就係一?對於樣本參數冇乜要求既統計方法，同時又保持到大部分測試既強度。當中大部分都係似排次序既方法取消分佈形態既問題，跟住就用?次序黎都做統計。學返三五七種呢?統計方法，其實對做研究都好實用。

想知多?？去take course啦！

———————————————————————
因為係阿豆
文：明將流

名稱：指定題目：公共領域、大眾文化及公民社會
編號：CURE 3006
教師：張歷君博士

睇個名都知個course的野心，又是公共領域又是大眾文化重有公民社會，有志於政治參與同用文化角度了解政治的同學一定要留意。成個course會介紹不同理論家對呢三者理解，例如公共領域建立、大眾傳媒對公共身分的影響等等，在而家facebook、youtube盛行的年代，網絡文化又會點影響一個人的政治理解等，都會討論到。workload方面，今年是tuto + mid-term book report + final，以文研黎講叫是正常。如果你睇完上面都唔明點解要take，贈你一句：

因為係阿豆。
———————————————————————
寫給老師的評語

文：劉子僑

名稱：與人文對話
編號：UGFH 1000A / E
教師：趙茱莉博士

兩年前第一次開這類課，當時叫「寫給當代的經典」。兩年過去，雖然不知課程內容改變了多少，但我想這並不影響我推薦這個course給各位同學。

當時這個課的功課，說少不少，每星期都要寫半頁，中英皆可。不過說多亦不多，至少我印象之中，每次做功課時，最煩的不是嫌自己寫得不夠好，就是寫得太多害怕被扣分（後來才知道不會，自此以後每次便只煩一個問題了）。

Julie老師有一個「習慣」，就是今天交一份功課，往往要過三、四個星期才派回來。在發回來的功課上，每一份都能見到Julie老師的評語，少的時候也有三兩行，多的時候比我寫的還要多呢。有些甚麼地方她認為寫得不清，或者可以多解釋一下；有些甚麼地方她不同意，又或者覺得寫得好，她都會一一寫在行間或紙的兩邊，有時遇著評語很多而空位太少的時候，她會索性寫在文後的空白處，再畫個長長的箭嘴彎到文中某處。

記得最後總共交了十份功課，另外還有兩份term-paper，說少還真不少呢！

兩年過去，課程內容和功課形式也許已經改了很多，不過我想Julie老師的「習慣」，大概是改不了的 ^^