【生活】唔要爛晒／生活自選台

大家也會對love & peace的胡士托有憧憬吧，當然不是充滿廣告牌滿是銅臭味那款。

在資本社會中，要辦場音樂會都會遇到地產霸權的遺害，即是要很貴的場地租費，或者想上街擺陣攞齊架生玩音樂，怕被投訴甚至當場被警察充公，就要向政府部門取一叠叫人填到無鬥志的紙去做不必要的申請。去西九蝕住底做開荒牛不如學佔領，只有抗爭的運動場內，我們才可以自在地做公共的創作，像上年菜園村一連兩日的菜園糊士托「拆到爛晒」音樂會，用創作與藝術踢走假期的悶氣，當然還有音樂會名稱的意義，主題就是回應去年政府、地產一味拆拆拆拆。

今年春節，佔領中環共治社區一群村民落手落腳搞場一連兩天的音樂會，踢走消費節日的悶蛋氣氛，叫大家遠離不停高密度播廣告的電視機和太油膩的賀年食物。另外音樂會名稱叫「告到爛晒」，因為唔睇新聞都知道，當權者今年乜都告，遊行，告！公共空間做藝術，告！逼遷唔走保家園，告！攞咪講嘢，告！穿件良心字句tee，告！懷著正義的心只要明顯一點點，遲早都會做被告。

所以，告到爛晒！！

另外還有「擺到爛晒」禮物墟，新年期間收到太多朱古力、水果、曲奇的話，我們可以帶到共治社區做禮物，當然兩手空空來參與佔領，做一個收禮物的幸運兒都可以。在私有制之下，施與受都不見得幾咁有福，我們期望的，是一種共享共有的關係。

如果你還記得其實1969年那場胡士托原本都係一場用鐵網圈起塊地收入場費嘅show，如果你覺得烏托邦不是只得空想就能建立，如果你覺得真正的 love & peace 不只是一少撮人當嬉皮士而係每一個正在受壓迫受剝削既人都能夠得到解放，如果你認為 rock n roll 應該係對舊秩序與建制既叛逆同反抗而唔係只得sex & drugs……等等等等，但係你都仲識嗒胡士托的浪漫，仲係覺得世界是可以改變的，歡迎你來佔領中環，讓我們一起玩下，傾下，做下。

十月也是拜年時，隨時來共治社區拜個爛反資本主義的年吧！

－
梁穎禮

獨立樂隊主唱、地下電台主持、社會運動員、生活叫我在白紙上寫字句。