中大學生報特別邀稿：新移民綜援撤限案

近來綜援案嘅判決鬧得熱烘烘，或者大家係網上食花生食得唔少，有人覺得中大學生會左膠到不得了，剩係識講大愛；都有人話法官咁判單案好合理，七年限制根本唔人道。就咁睇落，好似火花處處。可惜，眼見係網上部分人流於情緒宣洩，或者只顧簡單展示立場、自說自話，其實往往無點冷靜落嚟思考。

為咗促進認真嘅理性討論，家陣《中大學生報》就向中大人誠意邀稿，投稿準則是咁的：

1) 字數：750字以上，2500字以內。話到明認真討論，無理由做到好似Facebook啲零散留言咁掛?
2) 建議主題：對判詞嘅睇法、新移民拎福利嘅問題，連帶嘅問題如稅收、整體福利制度、審批權亦可討論；
3) 完全冇理據，只係扣人帽子嘅，sor，我哋係唔會登出嚟嘅。
4)收返嚟嘅投稿，將會完整咁放去網站公開，實體學生報亦會有各位文章嘅重點節錄。放心，學生報唔會因為立場唔同就唔俾出街。
5) 為免節錄嘅時候誤解各位原意，我哋會send返個節錄版本俾作者，兩日後如作者冇其他意見，就當作默許刊登。
6)唔接受公開發表咗嘅作品（包括網上發表），請勿一稿兩投
7)來稿附返真實姓名、院系級、聯絡電話、通訊地址或電郵地址，寄去 cusp@cusp.hk 或中文大學范克廉樓307室，《中大學生報》編輯部收；deadline係2013年12月30號中午12點

堅守價值，嚴謹認真，正正係學生報認同嘅討論方式。如果，你哋相信觀點嘅交鋒需要舖陳同整理；相信自己堅持嘅價值可以說服大家，咁就唔好等啦，投稿嚟啦！讀緊又好，校友又好，我哋都歡迎噶！

活動鏈結：https://www.facebook.com/events/575472752533752/?notif_t=plan_user_joined

文章結集鏈結：https://cusp.hk/?cat=165