咩野係「睇戲」？〔影評︰《姨媽的後現代生活》〕〕

文：小武

《姨媽的後現代生活》
導演：許鞍華／129分鐘

好多人都話許鞍華今次拍得特別好，其實我話佢一路都咁好（無進步，但係都唔差）！香港又有邊個導演可以講故仔講到好似佢咁，淡淡然得黎其實又有感情。

其實「睇戲」照字面解都係「睇」人做「戲」！舊時Ｄ人睇大戲，最多都係揀戲寶咋！最緊要都係花旦小生呀嗎！今次許鞍華咁大面（錢？）請到斯琴高娃同周潤發黎做戲，淨係睇佢兩個唱兩嘴都抵啦！

一睇個預告見到高娃佢著住果套紅色絨泳衣，仲要含羞搭搭既樣，就覺得真係要入場睇下。我唔係睇過佢好多演出，不過睇完《姨媽》入面既斯琴高娃，相信唔熟識佢既人都會愛上佢。她在戲裡演活了一個大城市裡的小女人，對著老街坊的口是心非、對自己姪子的斤斤計較、對愛情的追求、對陌生人心軟等的發揮，相信都不是單單透過劇本文字就可以交代的。

在《姨媽》入面，發哥用行動表示佢收得貴唔代表佢冇禮貌！那個半奸半親初既笑容做老千真係一流。為引高娃入局又扮才子又扮可憐，最尾仲上埋床，扼錢之餘仲扼埋個心。幾時都覺得佢做喜劇最好睇，又高僧、又皇帝你估佢聖人咩。

趙薇最尾客串交足貨，睇過《少林足球》就知佢賣樣之餘都可以賣戲。今次佢雖然名義上係客串，但係戲份都唔係少。初初出場幾乎冇對白，黑口黑面對佢住佢阿媽，都真係幾「死女包」。總比《玉觀音》入面果個係仔都既「安心」睇得令人安心得多。

第一次睇史可，感覺上係典型國內演員：用力得黎都幾好戲。

就算導演擅長去將所有資源砌埋一套戲，最少都要有班演員，有個劇本。許鞍華上次套《玉觀音》點解個個都話唔好？似乎都係因為拍攝資本、環境等問題。再之前果Ｄ作品更加係，唔係都唔駛返大陸拍。今次可以砌到《姨媽的後現代生活》，好壞都唔可以淨係擺佢上檯。

話《姨媽》係佢迴光返照果之作既人可以諗《幽靈人間》、《玉觀音》同《男人四十》個故事大綱有冇唔妥？或者，搵班咩人做演員？