專欄:姐姐手記 專欄, 07年2月號 姐姐手記澳門性工作者cat Hi!我係阿cat,係中山人,今年30歲,結過兩次婚,老公都是澳門人,第一次婚姻可以話sweet,也可以話痛苦,sweet係因為老公好錫自己,痛苦係因為結婚唔夠三年老公因肝硬化病逝。當時佢只不過36歲。我覺得好唔開心,點解好人唔長命。現在的老公唔係咁好,佢沉迷賭博,可能因現在澳門賭場多過超級市場的緣故。我覺得佢同第一個老公無得比。現在我地無住在一起。 一位性工作者點解要做呢行?好簡單,因為沒選擇。講真,我有諗過拍拖,結婚,生仔,但唔係每個人條命都咁好。 我來自大陸,2000年開始作這行,開始時唔慣面對不同的客人,又怕畀差人拉,但生活迫人,果時經濟唔好,大陸工資低;我結過婚,前夫死,現任丈夫唔生性,只掛住賭,可依靠的人都沒有了。 其實做呢行很危險,怕做著衰客,例如有些飲了酒;有食了大麻;做成個鐘都未完事就乘機唔畀錢;有些畀錢少少,要求多多,自己又唔夠膽反抗。更慘係又食又拎,做完後唔畀錢,仲打劫傷人。 這些case我試過兩次。第一次係熟客搵人打劫我。當時一個入了屋,一個將我推到床。綁手綁腳,拳打腳踢。最後將我辛苦掙的血汗錢全部拎走。第二次賊人扮客人打劫,入來的情形同上次一樣,都係一個在門口一個入來。當時入屋的衰客要淨做,點知做做下個賊將個袋除下要做全套,當時我極唔願意都要同他做,因為驚他對自己不利。當個賊舒服完之後,我覺得有些不妥,第一時間著衫,衝出門口,點知門口個賊將我推入屋,然後將我箍頸毆打,拳打腳踢,打到我差點無命。後來賊人將我辛苦掙來三千元、手機全部拎走。點解上天咁唔公平,賊人可以不勞而獲,真無道理;自己勞而不獲簡直無天理。我們做呢行,究竟做錯什麼,辛苦掙錢,自己都唔捨得,而賊人就不勞而獲,我們掙的係皮肉錢,賊人點解對一個手無寸鐵的女仔落重手?有時真係好唔開心,心想做呢行已夠慘,仲被賊人這樣對待,個心覺得好唔抵,現在將自己的事寫出來,希望多些人明白做呢行的苦處,更希望得到他人的保護,齊心合力,將賊人繩之於法。 分享至: Leave a Reply Cancel ReplyYour email address will not be published.CommentName* Email* Website 在瀏覽器中儲存顯示名稱、電子郵件地址及個人網站網址,以供下次發佈留言時使用。 三 × = 15 Δ