分享至:

2 Responses

  1. Simon

    有關今期報導「娥姐」事件，其實只是冰山一角，以下的資料可能更淒涼：
     
    1.    EMO的清潔工友係2003年減薪時被校方由「工人」職級改為「校工」，新入職工友起薪點由0改為-4！在而家評核制度下，只有4成工友可以每年增薪1點，其餘大部份工友都只得半個增薪點！要升為「一級校工」必須要係增薪點坐頂，校方這樣做法即是剝削我們升級機會！
     
    2.    當日「新研宿」由EMO負責清潔時，每位工友職級都是「校工」，但「新研宿」管理層自已攞返清潔做就改用「工人」職級，工作一樣，但人工大不同！點解？唯一解釋就係校方岐視EMO清潔工友。
     
    3.    其實校方岐視EMO清潔工友早有蹟可尋，在2003年減薪時，譚必成處長在逸夫堂向EMO清潔工友講「你哋要減三成人工先有競爭能力」。雖然，新入職工友知道自己幾多人工先入嚟做，但係校方點解只係針對EMO清潔工友，其他部門清潔工友又唔使由「工人」職級改為「校工」？同一天空下，EMO清潔工友咁就被標籤為「中大最低級」！
     
    4.    我哋被標籤為「中大最低級」後是否做嘢最少？譚必成處長為了維持我哋的競爭能力，將EMO冷氣組洗冷氣隔塵網、量度空氣質素全撥歸我哋！又要學搭鋁架、上高台車做高空工作！最可笑係沙士、禽流感期間，校內發生有幾單個案，當時校方指定EMO清潔工友去消毒，因為我哋係專業！部門清潔工人唔識！我哋百分之百肯定我哋係全中文大學最多嘢做的清潔工友！！我哋點解唔可以同校內其他清潔工人同工同酬？
     
    5.    「娥姐」事件只是冰山一角，「合約制」、「評核」造成擦鞋文化，你想續約順利，評核高分就過時過節、生日送禮必定要做！放假陪上司行街買衫都得，最緊要識爭俾錢，最慘係上司做傳銷，每月要買一千幾百貨，真係乞兒兜攞飯食！正仆街上司！
     
    6.    我哋無娥姐咁勇敢敢開名，因為怕秋後算帳！因為大學呢度的確係會發生呢啲事，總之EMO內部已經喺度講緊邊個係下一個！個個同事都驚自己係下一個！仲有，大學處事已無非黑白喇，原告變被告都得(詳情可睇返早兩期員工總會的會訊)！可憐我哋呢班地位最低，搵錢最少嘅校工受住呢啲咁嘅壓力去工作！
     
     
    EMO清潔工友

    回覆
  2. 西環打手

    侭盡管妳不悅大班，請妳出力對抗西環治港，支持DBC! 聽一下這聲帶http://www.youtube.com/watch?v=TBzXgiiBHKY。

    回覆

Leave a Reply

Your email address will not be published.