訪問 Christina

學生會幹事會的職員Christina將退休。大家可能不太知道她是誰（可能就如校內的其他職員一樣，你都不認識），但為學生組織工作了16年的她，跟我們接觸不少……

Christina小檔案

姓名： Christina
職位：中大學生會幹事會職員
年資：16年 ﹝1990年入職，2006年10月31日離職﹞
入行經過：為女兒影印練習時，看到招聘告示，影印房需要人手，向學生會同學查詢，於是開始在影印房工作。
工作範圍：打理影印房內大小事務、管倉、協助文具部事務、跟進二手書售賣
已知技能：插花、簡單修理影印機
夢想：開花店
退休動向：在教會內插花，侍奉神

Christina 的日記

其實喺中大做咗咁多年，多多少少都有d感情，但係始終都係要離開。中大真係改變咗唔少，記得以前有好多平房，大部份樓都好似李慧珍咁高架咋，宜家周圍都係高樓大廈。十幾年間多咗好多同學，以前對住d同學，識講普通話d人已經覺得好驚奇，宜家最基本要識三種語言。不過同學都無咩點唔同，都係咁啦，有好有唔好，睇你遇唔遇到。我試過遇到一位日本同學送咗兩串紙鶴俾我，有畢業同學會返來揾我傾偈。比較特別嘅要數一位由北京嚟嘅同學，佢喺中大讀書果陣，有時會嚟同我傾偈，話我知佢好掛住佢住喺北京的囡囡。又過咗幾年，佢因為要嚟中大開會，佢帶埋佢囡囡嚟，佢趁囡囡游水，就嚟揾我傾偈聚舊。仲有好多值得回憶geh事，好似以前會同學生會的幹事們一齊做嘢，一齊去同事屋企燒嘢食，一齊玩……

編按：在中大內，大家會遇到很多人，他們或會成為你的朋友、知己、hi-bye friend，你大概會很用心去經營你們的關係，會花心思好好對他們。同時，你身邊有更多如Christina般的陌生人，你有想過該如何與他們相處嗎？你有想過摺兩串紙鶴或者與他們多聊幾句，會成為他們美好的回憶嗎？