有冇諗過，如果有一日中大冇左學生組織，中大會變成點？會唔會想玩活動冇得玩？會唔會想識人但冇方法？會唔會校巴路線改到亂哂大籠冇人理？會唔會宿費不停加又冇人管？會唔會⋯⋯ 學生組織，又稱為「莊」。 中大入面，「莊」分成好多種，有中央莊、系莊、宿生會、關注組⋯⋯大大小小，各種各樣的學生組織。只要你想，總有一支莊會啱你。 而學生組織入面，最為人熟悉嘅就應該係「學生會」，但其實你又認識中大學生會幾多？我們特別找來范克廉樓內的幾個學生組織：被統稱為「中央三莊」的幹事會 [1]、學生報、電台，以及同樣為中央組織的代表會去談談自己的學生組織。當然中大內的學生組職甚至中央組織遠遠不只這些，但以上「中央莊」所做的，無論你係咪有上莊，只要你係喺中大讀書、生活，其實都離你不遠。 〈幹事會做乜㗎？〉、〈學生報⋯食得㗎？〉、〈電台？收音機？〉三文分別寫出三莊的工作、理念，以至於現時社會環境下的方針與做事。〈代表．會〉一文則希望向同學介紹這個與同學關係緊密，但卻經常比人忽略的這個組織。 最後一個溫馨提示：可能你無為意，其實喺交學費嘅時候，你已經交了中大學生會會費，成為基本會員，並享有選舉、被選、創制、複決及罷免權，同時亦可以參加學生會各項活動，享受福利同設施。錢就畀左，攞又攞唔返嘅，何不認真了解下老笠咗你一百蚊嘅人，佢哋究竟拎左嚟做乜。ヽ (=^･ω･^=) 丿 [1]：幹事會現時為臨時行政委員會。 中大學生會架構幹事會做乜㗎？學生報⋯食得㗎？電台？收音機？代表・會 分享至:
