Don’t 慌校方 神化組織 整理:奧奇特 -大學校董會 大學嘅腦袋,乜都由佢管,填充住立法會議員、校友、書院代表。呢個腦有塊皮包住,外面嘅人見唔到入面。你想知佢係咪諗緊野,或者想知佢諗緊乜野幾乎冇可能。佢開完會都只會係peh係度,唔會俾到你反應,但係佢控制既手手腳腳就會自動郁,周圍咁撩你。 -行政與計劃委員會(AAPC) 因今年六月中大新民主女神像事件曝光而火速上位的一個廿六人組合──AAPC26。隊長剛剛換做Joseph S.,火紅程度比起日本人氣女子組合AKB48還要強勁。AAPC26八爪魚咁多爪,日日接幾廿單公關show,有時寫下信畀大家,一直在活躍係中大,大大小小事情都要經佢地approve。AAPC26成員個個獨當一面,唔聲唔聲嚇你幾驚。想知多啲AAPC26,即刻揭去下一頁啦! – 最近Joseph S. 出席世界盃活動,數百「球迷」不怕眼睏凌晨時份前住百萬大道一同為球隊打打氣。 – Benjamin W. 最近撰文為大類招生、分拆學系到書院解話,之前重話計劃想係深圳開間大學分店。 – Kenneth Y. 一直想中大人衝出國際,係中文大學推廣用英文教學,又搞Veriguide,學外國用hi-tech野幫professor睇功課。 – P. C. Ching上幾年跟開校園發展,但呢排都冇乜消息。 -Michael H. 前幾年中大大興土木個期,知道衰左就臨時臨急話暫時唔再斬中大入面綠色可愛既大樹。 -Henry W. 為分拆藝術系辯護,在公眾面前死撐來緊一年唔會分拆藝術系,聽住先。 -K.P. Fung前幾年講中大同科大合併,重話中大書院制不會對科大產生負面影響,勁大口氣,而家turn down左,呵。 -Andrew C. 接替Joseph S.做Shaw的院長 -W.S. Wong最近一次聽到佢個名係就中大研究院女生係宿舍輕生的公開信。 -John L.今年九月個過檔去IED,教教書。 -C.P. Wong外界睇好佢可以成為高錕第二 -Mike M. 曾經捲入城大歧視風波,而家做左中大法學院院長 -T.F. Fok話中大係大埔個間私營教學醫院係吸納內地客,發展中西醫結合。 -Jacob L. 大學校董會重組專責委員會秘書,上年開左幾輪諮詢會 -Dennis N. 係新民主女神像單野俾人推在出黎做醜人,唔知會唔會同其他成員不和? -校友評議會 所有畢業生都係校友(重駛講?),有權係校友評議會名冊列名。即係話你三/四/五年後就夠秤入會,入到去重有機會被選入校董會做中大渣fit人添,爽呀。校友評議會係協助中大加強公共關係,建立良好社會形象,又會畀下意見中大。六月尾晌大學站對開既新教學大樓舉行左年度大會,傾下中大hit左一排既新民主女神像事件,順便選啲常務委員入局,點知中大校友太熱情(成五百人去開會!授權選票超過二千!),投票出現大混亂,結果得返個桔,要等下次開會再傾。 -大學教務會 唯一有學生既高層決策機構,一年都不過係開三次會,所有教研學術事務都係教務會話事,教務會有成百幾二百人,一開會都幾壯觀。不過全中大得幾丁學生有幸見到如此場面,佢地就係五個學生會會長同幾個學院學生代表。只不過,做學院學生代表要一個人lobby成個學院既同學,先可以當選,有一兩個學院有人做其實已經算好好。教務會成員其餘都係正副校長、書院同學院院長、系主任、書院既院務委員,同埋所有教授。而家講緊要精簡架構,按比例縮減人數,不過所有高層都會留返低。 分享至: Leave a Reply Cancel ReplyYour email address will not be published.CommentName* Email* Website 在瀏覽器中儲存顯示名稱、電子郵件地址及個人網站網址,以供下次發佈留言時使用。 五 − 四 = Δ