【投稿】我的外省女友

文：本地男友

吃大餐為名，見家長為實。我約了女友，聖誕節到我家吃餐飯。

「放緊假仲好忙？」我媽問我女友。
「嗯。」女友點頭，然後嘆氣，說：「唉！我有好多罪。」
「吓？」我媽呆了一呆，然後在我耳邊問：「佢信教架？」

我噴飯。

天啊！明明都是土生土長的香港人，操流利廣東話。為什麼我要整晚翻譯啊？

「聚會個聚啊，唔係罪犯個罪」、「過三爆四，即係成績好、考高分囉」、「唔係眉毛個眉，係maTE（強調尾音），英文啊，即係同伴之類啦」、「開sem飯，即係喺學期初食餐飯，一班人傾吓偈玩吓咁」、「出pool，即係拍拖……吓？點解？我都唔知喎」……

情況就如幾天前，我女友探望我祖母的時候，聽不懂我祖母的福建話，我客串翻譯員：

「『腮超』即係洗手。」我說。
「哦……」女友點頭，示意明白。

可是，我祖母的是福建話，那我女友的又是什麼話？明明都是廣東話，怎麼要翻譯？抑或這其實是外省話？「大學話」？聚、過三爆四、眉……這些究竟是什麼的「鄉下話」？

是的，這些「鄉下話」又短又潮又親切又易明又慳口水又慳力又……

但，無謂雞同鴨講。說話前想想對方明白與否，也不太難嗎？