校園｜散打

學生報欠中期財政報告跟進
文：奧奇特

本年二月，中大學生會代表會向全體同學發出電郵，就未有如期遞交中期財政報告，及只有簡短的中期工作報告，譴責剛卸任的中大學生報出版委員會。

直至最近，本報收到消息，上屆代表會或會印製橫幅，譴責有關失當事項。據本報了解，上屆中大學生報出版委員會已向代表會遞交全年財政報告，總算是向全體同學完整交待其財政狀況。至於全年工作報告，上屆編輯表示仍需要時間去準備，實際上亦未到繳交報告的限期（卸任後兩個月內）。 新一屆的中大學生報編輯已於三月一日上任，眾編輯表示已了解事件的因由，並會引以為鑑，於來年遵循學生會會章，履行責任。

＝＝＝＝＝

整咗你都未必知系列專業推介：
探討成立深圳學院網頁
文：寶

上期《中大學生報》搵咗沈祖堯同華雲生做訪問，問佢地關於中大可能係深圳增設校園既情況。果時校方應承話會係中大搞討論會咁樣，到家下都仲未有回音，咁大件事校方都唔同中大人討論，好似真係講唔過去。

不過前排校方好似終於「做返啲嘢」，所講嘅「做返啲嘢」就係send左個email通知中大人話整左個網頁，click入去睇，第一眼既感覺就係頹，頹到連中五程度電腦科既網頁功課都不如。求其整啲「超連結」就算，連forum功能都冇，叫咩同中大人「探討」成立深圳學院喎！

網頁入面有既主要都係講同內地合作辨學係大趨勢，當然唔少得校方既新聞稿啦！而最重要既辦學原則就只係得短短五六句。而點解要喺內地起分校嘅原因當然亦都欠奉，只係講「專責小組現已完成初步評估，肯定中大在深圳合作辦學有一定優勢，並將繼續研究成立深圳學院的方向。」專責小組有啲咩人唔知，點樣評估又唔知，詳細嘅結果都冇從入手，試問呢啲係咪校方同中大人討論嘅態度呢？

最後，如果中大人想睇下呢個「唔講都唔知有」嘅網頁的話，可以去http://www.provost.cuhk.edu.hk/sz/index.php?lang=zh睇。當然同校方「探討」嘅方法唔係冇，不過照舊係單向同被動嘅電郵形式：info.szdo@cuhk.edu.hk

＝＝＝＝＝

由零開始的「迎新」
— 善衡書院迎新營招募籌委及輔員
文：雲仙

近年在中大引起較大爭議的其中一項政策，是設立五所獨立性備受質疑、設施又欠奉的新書院。其中兩所書院，包括善衡書院和晨興書院，將於一零至一一年度開始收生。當中，善衡書院打算為今年招收的第一批新生舉辦迎新營，並於近日開始招募籌委(OC)和輔導員(組爸組媽)。

迎新營的主題是「融和」(Harmony)。一見「融和」，未免令人聯想起差不多意思的「和諧」或「河蟹」。然而，負責迎新營的黃錦波教授解釋，這裡的「融和」是指來自不同地方的新生，能互相了解，和平共處，並使同學感到善衡書院是他們的「家」。這個迎新營的一大特點，是讓書院的所有新生，無論是本地生還是的非本地生，都能參與其中。

另外，由於籌辦委員會有書院的教授和職員，有人擔心迎新營會否受校方操控。本報兩位編輯曾於三月尾出席有關的簡介會，得悉他們只是負責行政上的安排以及對實際操作提供意見，暫未見有操控的情況出現。黃教授並謂，該書院的文化及傳統，實際上得由第一屆學生建構，而迎新營的籌委和輔員對他們有重要影響。

迎新營的預營將在8月8-9日舉行，正營則在9月3-5日舉行。有興趣參與的同學，可以留意有關的海報或電郵，或致電2696 1443報名及查詢。