校園︳【本Sem課程推介】阿豆！／中國大陸、香港及台灣的文化研究

 

文︰驚

 

When & Where︰F6-7，王福元UG01。 assembly之後， 最o岩CC人。其他書院，就要放棄砌星期五day-off喇。

 

Who︰張歷君，又名阿豆，系內最受歡迎既講師之一，課堂選材博大精深之餘，又容許你頹有頹讀，怒有怒讀。

 

What︰呢一科既研究對象，並唔係三地既文化本身，而係三地既「文化研究」。文化研究既（跨）學科地位建立時間唔長，其實係中港台三地有關既研究好多時都唔係由以文化研究學者自居既人所做。簡而言之，呢一科其實係想介紹同埋比較三地對於本土文化既論述（或講法），當然，無可避免，又一定會講及後殖民同埋身份認同既問題。

 

How︰阿豆一向鍾意用電影做引入，而事實上電影呢一類文化產品亦都係考察當地文化論述既好方法。基本上每堂都會有半個鐘左右睇戲，然後再講當週既文章。tuto方面，會另選一d同課堂內容有關既文章或者文本，以往既習慣係分組每組present一次（約10%），回應一次（約10%），唔使寫報告，然後就係mid term（約20%），final paper（約50%），同埋attendance（10%）。