校園︳逸夫書院設施多,人人見到笑呵呵?? 校園, 09年1月號 文:路過學生 某人入到逸夫書院做問卷,問到同學覺得shaw有咩唔夠,圖書館就大部份都會答,其餘就係運動設施、列印服務、餐廳等,都無咩人會話設施足夠。於是我地幾個就行來行去睇下啦,兩個宿舍的電腦室都有多部電腦係維修中個喎,十分有趣,而且又有人話D電腦連word都唔知有冇,又慢云云,夜mama如果要行出去碧秋都有少少驚。 我地再係shaw探下險,原來唔係無電腦室!有一個係文瀾堂LG4,但過左九點就無電梯,你要自己行條長長窄窄樓梯落去,仲有防盜鏡從後照住你,同行者皆說恐怖!而且行動不便行唔到樓梯o既,都唔駛諗入去唔入去喇……我地見到一個類似碧秋電腦室o既房,不過人就好少,似乎無咩人知,而且無得為列印account 增值,再行過d有個「李和聲香港歷史資料館」,原來和聲先生唔係近來先捐錢起書院,早前就已經有中大設施因其命名,不過d資料就冷門到得好少學生要用喇。隔離仲有個不知明電腦室!鋪埋地氈坐位闊落,有白板視像器材,不過得一個同學仔係入面,十足私家辦公室!位置咁唔方便的設施、明明有又唔做d宣傳或電梯之類配套的設施,到底係想有人用等想用黎擺?其實呢一層仲有一個用途係每個同學都要黎一次o既……你估中喇,咪係好多人終於要入shaw一次o既IT Test!! 起圖書館原因有好多,例如將逸夫零零星星o既學習設備擺埋一齊,再加上適量藏書,借還及查詢服務,溫習、小組討論、研讀的空間,咁先可以令逸夫同學有良好的學習環境。 來月行動預告:在逸夫書院問卷調查完成後,本報會在下學期初將圖書館問卷擴大至全中大,希望了解a) 中大員生對將三改四新增的六萬呎圖書館樓面全放於本部的意見;b) 對於絕大多數逸夫同學要求將部分圖書館樓面撥入逸夫的看法;c) 是否對重新分配新增圖書館空間有跟校方不同的看法。問卷目標是二千個回應以上,希望同學到時遇到訪問員能通力合作,謝謝! 分享至: Leave a Reply Cancel ReplyYour email address will not be published.CommentName* Email* Website 在瀏覽器中儲存顯示名稱、電子郵件地址及個人網站網址,以供下次發佈留言時使用。 六 − = 四 Δ