校園｜散打兩則

大學生涯的「最後一個號碼」

文：寶

而家學生證上面「最後一個號碼」嘅1~4分別代表四間書院，而三改四之後，大學會起多五間新書院，不如大家估下「最後一個號碼」嘅5~9分別係代表咩書院？（我諗大家連果五間新書院係咩名都未知），唔洗估喇，因為「最後一個號碼」根本唔存在！

精明嘅同學屈指一算，會發現九間書院係恰好用盡晒「最後一個號碼」的可能性，但係點解「最後一個號碼」係唔存在嘅呢？同學有所不知，而家1~4以外原來仲會代表其他東東，例如研究生、暑期修讀計劃等等。隨著三改四之後，校方因為技術問題無法係「最後一個號碼」反映書院，轉而在學生證印上書院識別。

－－－－－－－－

一齊Happy，一齊Farm

文：嘉寶

相信同學都有玩開facebook入面嘅Happy Farm，唔知大家又想唔想試下親身落田呢？中大屬會綠色天地係U GYM健身室同研究生宿舍之間預留廿塊田俾大家親嚐有機耕種嘅滋味。

有機耕種係指同學會以尊重環境的方法去生產蔬菜，即係喺耕種時唔用化學肥料同農藥、同埋拒絕用經改造的種子或含經基因改造的物料，因為呢啲嘢都係會影響生物多樣性、生態循環，對環境同人類都係有害無益。

不過唔知大家係網上版Happy Farm又有冇用化學肥料同農藥呢？ 喺現實中，如果唔用呢啲化學野其實係有幾多好處咖，例如令泥土可以長期使用，有助種出健康嘅農作物，又有益又對環境有好處。

雖然第一期「真人版Happy Farm」既報名日期已經過左，但係2010年一月尾就會開始第二期，有興趣既同學或者組織就不容錯過呢次機會，同綠色天地既朋友仔聯絡啦！可以係Facebook add“EverGreen CUHK GreenWorld”又或者send mail去cuevergreen@hotmail.com都得架～