周秀娜.政治.市場.學(碟札:《周秀娜3D法國蜜月之旅》) 文藝, 10年9月號, 40屆莊「斟」(10-11) 文:小武 周秀娜3D法國蜜月之旅 Tong Ka Fai/鐳射發行有限公司 「喺呢隻光碟入面,我將會飾演你(指住鏡頭,停咗一秒)嘅老婆。我哋會一齊去歐洲度蜜月,地點係(停一秒)法國,一個充滿文化氣息嘅地方。準備好未呢?準備好我地就一齊出發,享受我哋嘅3D蜜月之旅(又指住鏡頭,Fade out)」-《周秀娜3D法國蜜月之旅》片頭 《周秀娜3D法國蜜月之旅》全長40分鐘左右,故事很簡單,就係直擊同老公去度新婚蜜月的過程。影片的「老公」用第一身視點去處理,換言之,周秀娜個老公就係「你」。片段中間,老公老婆一齊去了法國的海灘游水,老公掛住望果D曬緊日光浴嘅法國妹,激到老婆一支箭咁飆咗去,最後無事,係全片唯一一件叫做有D劇力嘅事。ANYWAY,以結婚為前提,來請粉絲食甜筒的「o靚模」,政治不不正確,總不至於要叫佢去搵紫藤(註1)。 從無質疑過周秀娜的靚,可能係對「結婚」有種虛幻的恐懼,或是自己太早就接觸日本A片,我確實沒有那種「要J到一地都係」的感覺,老實講,仲幾悶吓。寫真中,周秀娜與法國,各有各靚,3D亦沒有3D的必要。要演不慣戲的她叫「老公!老公!」,亦教人「毛管棟」。娛樂新聞裡的周秀娜,倔強、敢言,與白姐姐、黃秋生鬥咀;支持反高鐵、最低工資,在片內要變作小鳥依人的「港女」。表面上與之前建立了的形象看似格格不入,卻給予基層出身的她,一份「打工真係辛苦」的滄桑感。不論市場策略與否,其工作未必不比主流想像中的性工作厭惡。 不過,返工又有邊個唔辛苦呢?一個倔強、敢言,卻要以去法國度「新婚蜜月」來為粉絲提供幻想的「o靚模」,僅僅造了一個有關最底工資的專訪,政治不不不正確,總不至於要為此而冠以大量掌聲吧。 註1)黃秋生於書展其間,對於o靚模表示被禁於書展要申訴一事,毫不客氣地向傳媒表示說:「要申訴搵紫藤,知唔知紫藤係咩?但係周秀娜唔知o丫嘛!」 分享至: Leave a Reply Cancel ReplyYour email address will not be published.CommentName* Email* Website 在瀏覽器中儲存顯示名稱、電子郵件地址及個人網站網址,以供下次發佈留言時使用。 九 − 八 = Δ