校園散打

校長續約　與我何干？

文：雷丁

（以下對話純屬虛構，如有雷同，咪雷同囉）

甲：喂，前幾日收到email話沈祖堯個約就黎到期，準備續約囉喎，希望佢可以續到約啦，又親民又可愛>///<

乙：我都收到啊！佢著重人文精神，搞博群，舉辦咁多講座，真係為我地中大爭光！佢上次好似仲獲選為香港最受歡迎校長添！

甲：係呀！喂，封email寫話呢段時間要收集下啲意見去決定續唔續約比沈祖堯喎，不如我地都寫下囉！

乙：都好，點寫過去？係咪就咁reply呢個email跟住話沈祖堯好好人就得？

甲：我估係掛，話說呢封信邊個send架…咦？乜原來中大校董會主席係鄭海泉咩？

乙：鄭海泉[1]邊個黎架？佢唔係搞銀行架咩？校董會又咩黎？

甲：我都唔係好知邊個係鄭海泉…校董會好似係負責選校長出黎架[2]。

乙：咁我地有無辦法幫下沈祖堯？我真係好想佢可以繼續做喎…就咁寫信過去夠架啦？

甲：我Google下先。呢度話中大校長淨係由一個咩校長遴選委員會選出，裡面好似全部都係校董會啲人黎架喎…

乙：咁校董會有啲咩人？有無我地份？

甲：我睇睇先。有鄭海泉啦，沈祖堯啦…呃…呢啲咩人黎…仲有張宇人？李慧琼？！搞錯！原來就係呢班人選校長出黎[3]？

乙：吓？咁即係我地完全無份架？得嗰幾個人選出黎，校長認受性咪仲低過六八狗？咁樣唔得架喎！

甲：之前學生會好似有抗議過啲咩學生校董既野？咁好似都應該要抗議下喎。

乙：唉，無曬心機，好彩今次選到個沈祖堯出黎姐，下次點算？咪住，你講起學生會，上年學生報係咪報過話咩沈祖堯逼遷工友[4]？

甲：應該唔係沈祖堯想既…佢講咁多人文精神應該唔會要逼遷工友既。

乙：又係，校董會裡面咁多人，沈祖堯又唔可能一個人話曬事既。

甲：哇＿！夠鐘要上堂，走先拜拜。

乙：喂我都要，等埋！

[1]：鄭海泉是香港銀行家，曾任香港上海滙豐銀行亞太區主席。

[2]：校董會掌握整個大學的財政，並為中大最高決策行政機構，職能包括遴選校長、審議財政報告以及通過大學政策。

[3]：並不是所有委員都有權選校長，上次的遴選委員會成員包括當時校董會主席鄭維健、成員陸觀豪、梁定邦、劉世鏞以及3名教務會成員。

[4]：見《職工宿舍與逼遷事件概述》中大學生報2012年12月號。

和聲書院報警事件

文：和諧的報警撚

1月中，警方進入和聲書院，帶走了一名Year 2男生協助調查。據一名知情同學所說，事緣是9月中，有學生於和聲書院辦公室門外貼上中大學生報9月號內的一篇文章「和聲柒事回顧」，以表示對院方的不滿，其後院方發現該處附近的閉路電視被拆毀，於是報警。

在1月22日的宿舍諮詢大會上，宿監榮本道教授指：「當時呢，我決定報警嘅。」並稱是因為擔心破壞閉路電視的行為是由外來人士所做，危及宿舍安全，所以才決定報警。

錢銀現實，責任？廢物 —— 中文系CHLT課程

文：中文系鹵味

話說中文系於2013年7月份突然向各學系宣佈，2013-2014學年過後不會再開辦舊學制的CHLT課程（大部分舊學制學生必須修讀1個CHLT課程才能畢業），「提醒」同學盡快報讀，但Reg科及Add/drop期過後，還有不少同學Reg不到CHLT。

話之你，Cut左先講

中文系決定停辦課程之前，理應已經安排好所有同學的修讀安排，肯定不會影響同學畢業才作出決定。到了最後一個學期，CHLT所開的名額，竟然仍然少於需要修讀的人數，單就Reg科當日，舊學制CHLT必修課程已經爆滿，不少同學表示連Waitlist也進不了。難道中文系不知道有多少同學未修讀CHLT嗎？這樣不顧同學死活，話Cut就Cut，是十分不負責任的做法。

CHLT大曬，Major都要行開

由於Year 3較早reg科的關係，以往不少同學選擇Y3才修讀語文科，希望可以揀選自己最有興趣的科目。相信不少舊制學生Y1時都打算將來才讀CHLT，反正有3年時間，但在Y1暑假就毫無預兆地被告知只剩一年時間，完全打亂了同學的計劃。

再者，原本舊制CHLT是有不同選擇給同學的，以社會科學院為例，一直以「口語溝通」和「創意寫作」最受歡迎。但是，中文系由2013年sem1開始已經不再開辦「口語溝通」和「創意寫作」，剩下「基礎中文」、「商用中文」及「專業中文」，3科內容大同小異。不只強迫同學於今年內倉卒修讀，連充分選擇都不願提供。

同時，提供的課程全數集中於兩個時段，嚴重影響同學的學業規劃，假設Major有一個每隔幾年才開一次的課剛好在CHLT的時間，同學原本可以今年先讀Major，下年才讀每年都開的CHLT，現在卻被逼放棄。

資源VS責任

中文系停辦課程無疑是出於資源考慮，不願意多投放一年資源到最後一屆舊制學生身上，因此才提早一年停辦，把商業邏輯放在教育事業上，不願履行責任。即使只剩下一個學生需要讀CHLT才能畢業，中文系在責任上都必須處理。因為不讀而Defer是同學自己的事，但起碼還可以讀。中文系從來沒有公開向同學解釋將會如何處理未能如期修讀CHLT的同學，大概是要製造不能畢業的恐慌，嚇得所有同學於今年內讀完。

未讀CHLT的你、可能會Fail的你，恭喜！理論上（在中文系公開宣佈明年加開之前），你已經無法畢業了（Defer都無用），信不信由你。

中國研究服務中心簡介

文：韓冬昇

1月8日至11日，中國研究服務中心舉辦了第十屆的國際研究生「當代中國」研討班。這研討班旨在推廣當代中國研究，鼓勵國內外研究中國的學者交流。這研究班除了發表一系列學術研究，更舉辦了共三場沙龍。這些講座的題目及範圍並沒有中心要旨，有政策分析、歷史解讀和電影工作放映及介紹。雖則如此，但亦確實讓難以接觸中國資訊的中大提供了新的窗口。

話說回來，中國研究服務中心其實是中國文化研究所的一部分，旨在促進各方對中國大陸的了解。中心的地址為田家炳樓的8樓，內有不少有關內地資訊的藏書、期刊、報紙，甚至是紀錄片，供人查閱（但卻不能外借）。雖然中心的館藏頗為豐富，但是卻不是供本科生自由出入。本科生需要填妥表格，請教職員簽名作實，方可內進。此規定，確是有點多餘。