社會︳【社運電影節】闔府統請．人民自治

——第六屆社運電影節

文︰奕／阿邊個

咩叫社運？咩叫社運電影？社運電影節係匯集一堆「社運電影」的「節」，還是以「社運」方式舉行的「電影節」呢？筆者同大家一樣，其實並冇一手體驗。總之，第六屆社會運動電影節將於十月起一連兩個月舉行。

翻開過去幾年的場刊，今年沒有宏大主題，沒有很多後續活動，沒有「世貿」的「大時代」氣氛，沒有花多眼亂的場次。今年，看來，平平實實，真係一個等著你回來的，社運電影節。總之，心思思，人民參與喎，好唔好睇，咪就我地參唔參與到佢好睇囉。

喂？關我蛋事咩？

今年的電影節共選了十一齣電影：開幕的《Ya Basta!》是對我們聳人聽聞的故事——數以萬計的市民進攻他們的媒體，而我地？我地忍唔到《無線》《忽周》就可能只識得complain-; complain-; complain。

跟住，《好聲行》︰講好戲量果條菜街，但你見唔到好戲量，講天星皇后，但講埋天星皇后同菜街有咩關係，講聲音，唔係band sound就係理想。《Don’t Say Goodbye》《人在皇后》《天星鐘聲》︰文化保育事過境遷感情用事？好似已經冇左個現場的今日，我地又可以點？

再落︰《Good Luck-; Comrades!》，自掏腰包去日本抗議的香港年青人，眼中的兩個同場參與者︰不一定要鐵血抗議，也不一定虛無幻滅。日本永遠就得大出血、漫畫同AV，我們在哪裡？仲有︰《巴黎公社》，七個鐘，淨係睇完已經係堅，何況係特登做埋翻譯，上埋中文字幕的一幫朋友……

餘此類推︰你以為一個節，就係坐埋去咁爽嗎。你以為主辦朋友無償勞動，做左咁多野同大家一齊分享社會問題，就唔可以坐埋去咁爽嗎。筆者並不知道，聽聞過很熱鬧的社運電影節，又聽聞過勁冷清的。但我知道，我去了，我睇完，我諗，我同朋友分享，我留意，我幫手，就係參與、民主、關我蛋事。

影像作為溝通媒介

咁同睇報紙或者上SOC2104 Hong Kong So有咩分別？為甚麼選擇以影像作為媒介呢？筆者走訪了幾位籌劃朋友，彩鳳與旭雯都認為影像能落入更多人的視線，尤其目標觀眾不應只是那些閒時會參與各大影節的所謂「文化人」，還應包括基層觀眾——而影像於大多數人來說可能較易進入與掌握。另外，大家都覺得，影像相對於文字、圖片完整，有聲有畫有剪接，易講故事，就算觀眾未必能完全明白，但總有印象留於腦海裡。

另一位籌辦朋友Benny亦指出，觀影作為一種即時的集體經驗，亦有其不能被取代的地位。社運電影節在每場放映後都會進行討論會，讓我們在一起經驗一場影像以後，討論影片內探討的問題，把焦點拉回現實，思量如何可以共同介入事件，或者就可以更接近每年社運電影節的目標：「影像．感動．思索．行動就在你與我身邊」。

主辦單位︰自治八樓／影行者

主辦團體八樓本屬學聯的「社運分支」，致力為各項社會運動團體提供資源。至於由第四屆開始與八樓合辦的影行者，則致力用影像「把藝術還給人民」，除了把本土發生的重大事件拍下，還會拍下基層本位的紀錄片，更會鼓勵拍攝對象嘗試親自拍下自己的生活。

電影節需要你的參與

八樓的經費本由學聯提供，但由於零六年學聯提出修章建議，欲將八樓的憲政地位降到學聯最底層，從一個中心變成一個工作小組，對八樓在支援社會運動方面造成嚴重阻礙，於是八樓成員決定進入自治狀態，而其一般開支則由各成員共同承擔。而同年，當時的合辦團體錄影力量亦遭藝術發展局削減資源，於是，由該年起的社運電影節處零經費的狀態，只靠籌款維持。今年，藝發局資助了電影節宣傳品的印刷費用，減輕了籌劃團體大約三分一的開支，而其餘的三分二則繼續靠捐款維持。

雖然接受捐款，但籌辦朋友開宗明義，表示不認同低度參與（捐錢）就可以參與一項協助推進「民主進程」的「民化」活動，因為「民主」正是要求人民自治，而自治，就需要主動溝通了解和共識。

所以捐款人需至少出席兩次放映會，或以撰寫影評、協助籌劃工作等方法參與，以建立實在的人際關係。

這是另一種語言。社運電影節，固然冇明星，亦唔sell文化品味，唔係時事 forum，而係人際關係的平台，民主參與的切入點。出席，吹雞，叫埋闔家一齊黎，十月十一日，到時見。

欲知更多，請到：

第六屆社運電影節： http://www.smrc8a.org/smff/
自治八樓（學聯社會運動資源中心) http://www.smrc8a.org
影行者 v-artivist： http://vartivist.wordpress.com
查詢︰彩鳳 9624-0117／Benny 9288-3017