校園︳【本Sem課程推介】你點知我真係一個人／心靈、腦與人工智能

 

文︰William

 

以前想過一個問題︰自己見到人係人咁樣，會唔會我有個朋友見到每個人都係火柴人咁樣呢？只係雙方都將嗰種生物叫做「人」，所以到死嗰日都唔會有人知呢件事。

 

點知讀呢個course見到類似嘅問題，例如你唔會知你隔籬嘅同學睇野嘅時候好似你睇負片咁。

 

仲有關於諗嘢同電腦有關嘅問題：人係點樣思考呢？電腦，或人工智能，是否會思考？我進行自主行為（voluntary action），就等如我控制我自己去做事？定係真係有個「背後力量」篤住我做？我哋會唔會成世其實得個「諗」字，咩都冇「做」過？成日話一個人好感性，咁呢個人係咪理性？你個腦接收嘅信息會唔會其實永遠同其他人唔同？惟獨是唔會問你點樣寫個AI的電腦code出來。

 

佢掟一堆奇怪問題俾你，實會挑起你條筋問番佢轉頭，我take果一年就同學問多過講者講。再癮大啲，之後有人take埋哲學系的心靈哲學，講深入啲嘛。

 

Assessment方面︰一個堂上匯報，實行讓你半臂，總之同神經科學、人工智能或者心理學有關就得，到頭來起碼有一半匯報題目跟教學課題無關。最後例牌final一抽MC同幾題LQ。