情色︳【Stephy信箱】 情色, 09年3月號 Stephy: 其實都唔知呢個係邊個o既問題,話說我家姐早排急急同佢男友結婚,等我仲以為佢地搞出人命啦,點知家姐原來因為怕過左廿五歲結婚,咁就好難三十歲前生仔。我好難明白呢種心情。話晒我業都未畢,所以結婚點都係離我好遠。如果我廿五歲前就要結婚,恐怕我一畢業就應該要開始儲蓄了,唔係點一路還 grant/loan,一路儲錢搞結婚? 仲有兩年先畢業的Ceci Ceci: 死啦,唔通而家仲係封建時代?清朝就會話為左可以好生養o的,先至會有好多育都未發得晒就相親拜堂o既故事。如果而家真係有d婦女,需要為左好生養,而迫自己進入令一個人生階段,咁諗落都幾可怕。 呢個問題亦都係長年累月,女性主義想處理的其中一d問題--究竟家庭、子女,係咪就必然要係一個女性身份的全部內容? 當然你家姐有呢個自主去咁做。至於你,究竟你係咪要咁做,當然都要睇你本身的能力同對婚姻o既睇法。尤其係,即使建立、維繫家庭會係一個人生命中重要o既 一部份都好,佢會唔會令你陷入左一個你完全唔打算進入的生命狀況,例如整個人生的價值,就只得返個老公同個仔等等,令而家d婦女成日都陷入困境甚至危機。所以你問我,我都唔識得幫你決定乜野,因為最重要係你認為呢堆野,在你人生中應該有幾多位置,你再對自己o既人生好好規劃一下,先慢慢決定啦。 其實幾歲幾歲之前要生仔,都係d優生學o既講法,但呢種統計學,都唔會話你四十歲生個仔出來就會有身體問題格。始終,真係怕生出來的小朋友有問題,需要做 o既係身體/婚前/產前檢驗;而唯一真係需要小心o既,反而係對女性來講,年紀大生bb,身體就會在生完之後回復得慢d咁囉。 分享至: Leave a Reply Cancel ReplyYour email address will not be published.CommentName* Email* Website 在瀏覽器中儲存顯示名稱、電子郵件地址及個人網站網址,以供下次發佈留言時使用。 + 九 = 十五 Δ