人上莊？莊上人？：同學訪問

訪問及整理：笑希嬉

孖住上莊
被訪者：Sherry／聯合／文研／二年級

訪問前知道Sherry只去了一個學會（系會）的迎新活動，最後亦當上了系會的主席。於是乎，十分好奇她為什麼這麼一心一意要上系莊，也不先參加別的學會的迎新活動了解一下。訪問開始，才發現原來這不過是一個美麗的誤會：我係Asso入黎，所以一入黎就是Year 2，最初其實想專心讀書，無打算上莊，甚至連細O都無去。不過後來我地系的人超好，我無去O-Camp都比我加入其中一組。現在上系會很大部份都係因為組媽係上上莊‧佢分享到好似好享受咁，搞到我自己都想試下做。我們組有四個人上了系會，應該好大原因都是聽了組媽的分享。（問：其實佢分享了甚麼？）佢話上系會唔會太忙、而且可以增進同Prof、同學的關係。（問：那你是一直沒有想過上其他莊？）我最初有想過參加劇社的casting，因為我中學有玩開drama，亦很喜歡在舞台上表演。但因為現在是P（主席），所以責任重大，應該唔會參加了。

（問：有無想過唔做P，做其他更輕鬆的位置？）我有諗過架。我同另一個同學好熟，同佢part住上莊。當時我地有傾過，如果大家一起做一些較輕鬆的post，就會一起去上UC天文學會。當然，後來一個做了P，一個做了VP，並肩作戰，就無實行呢個計劃了。（問：點解會想上UC天文學會？）想上UC天文學會，同想上系會唔同，唔係真係想上支莊，而係貪佢唔多野做，又可以加書院的contribution分。這樣就可以唔駛做FYP，由參加 exchange program替代。

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
「不理性」的上莊
被訪者：Kristo/和聲/政政/一年級

找Kristo訪問，是因為知道佢對好多學會都有興趣──政政辯論隊、U-Rounders、AIESEC、英語辯論隊、中大學生報……要如何決定應該上哪一支莊的經驗，應該十分值得同學參考：我自己考慮上咩莊會先考慮究竟果個學會是否符合我的性格和價值、我又可以從中學到咩野？當然，工作量多寡亦十分重要。（問：那你如何收集不同學會的資訊，你參加的學會介紹／迎新活動多嗎？）我只去了AIESEC touch和你們學生報的O-camp。但除此以外，我還會儘量跟我有興趣的學會的成員接觸，例如我就打了給英辯主席查詢。我覺得要問清楚除了宣傳資料中的活動外，還會有甚麼日常工作？亦要想清楚究竟上果個學會，可以學到咩。

（問：是否有人在你上莊的決定上，比較影響到你？）其他人的想法不會影響到我。因為畢竟每個人的興趣和需要都不同，我唔想單純聽其他人的一面之辭，就認定某一些莊是「好莊」、另一些是「Chur莊」……（問：但這跟你先前頭形容的情況不同，你上U-Rounders真的沒有情感因素考慮在內？）老實講，如果我是一個完全理性的人，我就不會上U-Rounders，我承認有70%係因為我自五月開始幫手搞活動，開始有情感上的牽繫，我喜歡呢度既人和氣氛。如果唔係，我應該會選擇其他學到更多東西、接觸到更多我關心的東西的學會。另外30%，應該先係自身一些比較理性的計算，例如可以參加Roundtable搞的mentorship program、活動等。

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
改變主意，不會上莊
被訪者：Tiffany/晨興/法律/一年級

剛一坐下，Tiffany 就跟我們解釋，其實佢改變了主意，不會上莊，問是否還適合進行訪問。我們當然無問題。於是，為何上莊？又為何不上莊？Tiffany跟我們娓娓道來：

我在書院已經有一班很熟的朋友，所以在系內就相對摺。當初打算上法律系系會，最主要是想認識多些同自己學科相關的東西，「可以話，係想攞野rather than俾野。」（問：那為何改變主意？）後來同組爸媽食飯，他們分享了他們覺得上莊可以是怎麼的一回事。我自己後來再想清楚，亦覺得現時Law Soc 同我想像中有出入，他們十分在意聯誼，但其實太對內，我上莊都未必學到野。

（問：既然對Law Soc有意見，為何不入去改革？）我亦覺得如果要上就應該要搞好佢，但這樣一來，工作量就會好重。現在我不論教會的朋友、住宿的朋友、甚至同父母的關係都好似唔係好keep到，而我覺得這些東西都比上莊重要。（問：有無同學挽留你？）無，因為Law Soc係逐個人選入去，競爭很大，好少話會一齊上。係選完之後，大家先會再傾點搞支莊（問：Law Soc沒有傾莊之類的場合讓你們之間就未來點搞Law Soc交流？）有搞meeting/sharing session，會有老鬼分享他們的想法。但應該沒有甚麼平台讓準莊員之間自己傾。（問：會否覺得老鬼們的分享，會令你們跟左佢果套？）或者都會，因為我們始終無經驗，如果唔係有組爸媽同我傾，我都唔會諗到支莊可以有另外的做法。

（問：現在你決定了甚麼莊都不上？）唔。（問：但身邊其實會否有壓力，覺得大一應該要上莊。）都會架，大學五件事。因為今年唔上，之後就更未必會上。