NA Can加價背後——訪問鄧經理

9月開學時，NA Can未經餐廳委員會批淮偷步加價，被同學揭發後，NA Can火速回復原價完事。不過，為甚麼當時NA Can要急着加價呢？編輯帶着疑問，訪問了NA Can的鄧經理。

「嗰陣係心急加價，不過都無事和解啦。之於點解要加——咩都貴嘛！」鄧經理坦言，急着加價，一來是因為餐廳逢暑假、考試就難有食客，卻因合約規定，必須要繼續營運，水電照付，只得半年生意，蝕錢的風險較高。二來，成本方面，來貨價年年加，入貨的運輸費亦升幅不斷，又得加人工吸引應徵。

暑假過後，好些員工離職。中大，尤其新亞，因為交通不便，即使餐廳已提升過人工，依然很少人願意來中大的餐廳工作。「人工係由老細（公司）拍板，同出面比都係唔算高，所以餐廳到宜家都請唔夠人。」人手不足，甚至連雙餸飯都不夠人做，直到10月尾，NA Can才終於勉強開始提供雙餸飯。

NA Can加價另一長遠的理由，則是去年初維修的大筆洗費；以及擴建後，每月增加了2萬元電費。「（10年前）初初入嚟做書院會畀哂水電維修，依家要靠我地自負盈虧。」

餐廳加價，總有同學不滿，鄧經理怎樣想呢？「始終係做學生生意，我地都係㩒住加。其實同學有咩不滿，我地都有盡量改下。好似以前同學會投訴多蚊蟲，我地咪每個月滅一次，依家乾淨好多。」

不過即使同學不滿，有時也無可奈何。餐廳一方面被要求提供廉價飲食，另一方面，校方又少有資助，要求餐廳自負盈虧。結果，餐廳要麼接連加價，不然就是乾脆執笠退出中大，最後承擔代價的，依然是學生。